شیعہ نیوز: پیر کی صبح اسرائیلی فوج نے مغربی کنارے کے مختلف علاقوں میں گھر گھر تلاشی اور گرفتاریوں کی ایک نئی لہر شروع کی جس دوران متعدد فلسطینی شہریوں کو حراست میں لے لیا گیا۔
قلقیلیہ میں مقامی ذرائع کے مطابق اسرائیلی فوج نے فجر کے وقت شہر میں اسلامی کالج کے قریب واقع ایک گھر پر دھاوا بول کر شہری یونس عبدالغنی اور نوجوان عفان منصور کو گرفتار کر لیا۔
نابلوس میں بھی اسرائیلی فوج نے بیت فریک کے مشرقی علاقے میں واقع محمد رابح خطاطبہ کے گھر پر زبردستی داخل ہو کر اس نوجوان کو گرفتار کر لیا۔ گرفتاری کے بعد اسرائیلی اہلکاروں نے اس کے والد کو حراست میں لے کر موقع پر ہی تفتیش کی اور بعد میں رہا کر دیا۔
یہ بھی پڑھیں : اسرائیل اور اس کے حامیوں کی سازشیں ناکام بنادی، فلسطین کے ساتھ کھڑے ہیں، مہدی المشاط
اسی شہر میں اسرائیلی فوج نے خلہ الایمان محلہ میں جابر خاندان کے گھر پر بھی دھاوا بولا اور عصام، احمد، طارق اور یزن جابر کو گرفتار کر لیا۔ علاوہ ازیں جبل الشمالی کے شارع الاسطہ میں بھی ایک گھر سے ایک نوجوان کو حراست میں لے لیا گیا۔
اریحا میں اسرائیلی فوج نے عقبت جبر پناہ گزین کیمپ میں گھس کر ایک شہری کو گرفتار کیا۔
الخلیل میں درندگی کا مظاہرہ کرتے ہوئے اسرائیلی فوج نے دورا شہر میں فلسطینی پولیس کے چار افسران کو گرفتار کر لیا۔
سلفیت میں اسرائیلی افواج نے قراوہ بنی حسن قصبے پر دھاوا بول کر گھروں کی تلاشی لی اور املاک کی توڑ پھوڑ کی تاہم وہاں کسی گرفتاری کی اطلاع نہیں ملی۔
یہ کارروائیاں ایسے وقت میں ہو رہی ہیں جب مغربی کنارے میں اسرائیل کے روز افزوں ظلم و جبر کے نتیجے میں عوامی زندگی مفلوج ہو چکی ہے۔ اسرائیلی افواج روزانہ کی بنیاد پر چھاپے، گرفتاریاں اور تشدد کے ذریعے فلسطینیوں کی زندگی اجیرن بنا رہی ہیں تاکہ ان کی مزاحمت اور آزادی کی تحریک کو دبایا جا سکے۔
The post اسرائیلی فوج کی مغربی کنارے میں چادر اور چار دیوار کی پامالی، درجنوں فلسطینی گرفتار appeared first on شیعہ نیوز پاکستان.
