شیعہ نیوز: امریکہ جانے والے سیاحوں سے سوشل میڈیا پر ان کی پانچ سالہ سرگرمیوں کی تفصیلات طلب کی جائیں گی۔
رپورٹ کے مطابق امریکی کسٹم اور سرحدی محافظت کے محکمے نے ایک اعلامیہ جاری کیا ہے جس میں کہا گیا ہے کہ امریکہ آنے والے سیاحوں کے لئے ضروری ہوگا کہ وہ اپنی گزشتہ پانچ سالہ سوشل میڈیا کی تفصیلات جمع کرائیں ۔
اس اعلامیے میں کہا گیا ہے کہ اس قانون سے جو عنقریب نافذ کیا جائے گا، برطانیہ اور جرمنی سمیت ان ملکوں کے کے سیاحوں کو بھی استثنی حاصل نہیں ہوگا جنہیں امریکہ میں داخل ہونے کے لئے ویزے کی ضرورت نہیں ہے۔
یہ بھی پڑھیں : سعودی عرب سے تعلقات مضبوط بنانے کے لیے پرعزم ہیں، عباس عراقچی
اس اعلامیے کے مطابق امریکہ آنے والے سیاحوں سے ان کی سوشل میڈیا کی ایکٹیویٹی کی پانچ سالہ تفصیلات کے علاوہ ان سے دیگر تفصیلات جیسے گزشتہ پانچ برس میں انھوں نے جو ایمیل ایڈریس اور فون نمبر استعمال کئے ہیں، ان کی تفصیل اور اسی طرح ان کے خاندان کے افراد کے نام اور ان کے پتے بھی طلب کئے جاسکتے ہیں۔
فیڈرل رجسٹر میں جاری ہونے والے اس اعلامیہ میں امریکی عوام کو اس سلسلے میں اپنی تجاویز پیش کرنے کے لئے 60 دن کا وقت دیا گیا ہے۔
The post امریکہ میں داخلے کے لئے سوشل میڈیا پر اپنی فعالیت کا پانچ سالہ ریکارڈ پیش کرنا ضروری ہوگا appeared first on شیعہ نیوز پاکستان.
