شیعہ نیوز: اسلامی جمہوریہ ایران کی فوج نے اعلان کیا ہے کہ گزشتہ 24 گھنٹوں کے دوران 13 حملہ آور ڈرون مشترکہ فضائی دفاعی ہیڈکوارٹر کے مربوط دفاعی نیٹ ورک کے ذریعے تباہ کر دیے گئے۔ تسنیم کے مطابق، ایرانی فوج نے اعلامیہ نمبر 16 میں بتایا کہ گزشتہ 24 گھنٹوں کے دوران جدید ڈرونز کی مختلف اقسام، جن میں MQ-9 Reaper، Hermes drone اور Orbiter drone شامل ہیں، کو مشترکہ فضائی دفاعی ہیڈکوارٹر کے مربوط نیٹ ورک نے تباہ کر دیا۔ اعلامیے کے مطابق، گزشتہ 24 گھنٹوں میں 13 جدید ڈرون ایرانی فوج اور سپاه پاسداران انقلاب اسلامی کے زمینی دستوں اور فضائی دفاعی نظام کے میزائل اور توپخانے کے ذریعے، جو ملکی مشترکہ فضائی دفاعی ہیڈکوارٹر کی کمان میں کام کر رہے ہیں، شمال مغرب، مغرب، جنوب، اصفہان، کرمان اور تہران کے علاقوں میں نشانہ بنا کر گرائے گئے۔ اسی اعلامیے میں مزید کہا گیا ہے کہ امریکی صہیونی دشمن کی جارحیت کے آغاز سے اب تک ایرانی فوج اور سپاہ کے فضائی دفاعی نظام کے ذریعے گرائے گئے ڈرونز کی تعداد 82 تک پہنچ چکی ہے۔
The post ایران نے اب تک 82 امریکی و اسرائیلی ڈرونز تباہ کر دیئے appeared first on شیعہ نیوز پاکستان.
