شیعہ نیوز: ایران کی جانب سے کویت پر کیے گئے نئے حملے کے نتیجے میں کویت کے پاور اور سمندری پانی سے میٹھا پانی بنانے والے پلانٹ کو شدید نقصان پہنچا ہے جبکہ اس حملے میں ایک بھارتی مزدور بھی ہلاک ہو گیا۔
کویت کی وزارتِ بجلی نے جاری کیے گئے اپنے بیان میں کہا ہے کہ ایک سروس بلڈنگ پر ایرانی حملے کے نتیجے میں بھاری نقصان ہوا اور ایک بھارتی کارکن ہلاک ہوا ہے۔
یہ بھی پڑھیں : ایران جنگ میں اب تک کتنے اسرائیلی فوجی زخمی ہوئے، اسرائیلی وزارتِ صحت نے بتا دیا
بیان کے مطابق فوری تکنیکی اور ہنگامی ٹیمیں موقع پر پہنچ گئیں تاکہ نقصان کا ازالہ اور پلانٹ کی نارمل سرگرمیاں بحال رکھی جا سکیں۔
عرب میڈیا کے مطابق ایران کی جانب سے اس واقعے پر تاحال کوئی سرکاری ردِ عمل سامنے نہیں آیا ہے تاہم کویتی سرکاری میڈیا نے پلانٹ کو پہنچنے والے بڑے پیمانے کے نقصان کی تصدیق کی ہے۔
رپورٹس کے مطابق کویت گزشتہ ماہ سے امریکی اور اسرائیلی جنگ کے تناظر میں متعدد حملوں کی زد میں ہے۔
The post ایران کا حملہ: کویت میں پاور و واٹر پلانٹ تباہ، بھارتی مزدور جاں بحق appeared first on شیعہ نیوز پاکستان.
