شیعہ نیوز: سپاہ پاسداران انقلاب کے کمانڈر ان چیف میجر جنرل محمد پاکپور نے کہا ہے کہ 12 روزہ مسلط کردہ جنگ کا محور ٹیکنالوجی اور مصنوعی ذہانت تھا اور ہماری مسلح افواج بھی اس پر مرکوز ہیں۔
یوم “یونیورسٹی طلبا” کے موقع پر سپاہ پاسداران انقلاب کی “امام حسین (ع) کیڈٹ یونیورسٹی” کے طلبا سے خطاب کرتے ہوئے میجر جنرل پاکپور نے صیہونی حکومت کی 12 روزہ جارحیت کی تفصیلات بھی پیش کیں۔
انہوں نے بتایا کہ جنگ کے آخری دنوں میں جب امریکہ نے گستاخی حد سے گزار دی تو فیصلہ ہوا کہ اس حملے کا جواب اتنے ہی میزائلوں سے دیا جائے جتنے امریکہ نے مارے تھے۔ آخری رات امریکہ کے ایک اہمترین ایئربیس “العدید” پر 14 میزائل مارے جس کے بعد امریکیوں نے فورا پیغام بھیجا کہ اگر آپ لوگوں نے حملہ نہ کیا، تو ہم بھی نہیں کریں گے۔
یہ بھی پڑھیں : امریکی طیارہ بردار جہاز “ہیری ایس ٹرومین” ناکارہ؛ یمن کے ہاتھوں 100 ملین ڈالر کا نقصان
سپاہ پاسداران انقلاب اسلامی کے کمانڈر ان چیف نے بتایا کہ جنگ کے بارہویں دن، دشمن ہمارے میزائلی حملوں اور قومی اتحاد کے سامنے تاب نہ لاسکے اور جنگ بندی کی درخواست دے دی۔
انہوں نے موجودہ حالت کو جنگ میں وقفہ قرار دیتے ہوئے خبردار کیا کہ دشمن کو اس بات کا بخوبی علم ہے کہ اگر اسلامی جمہوریہ ایران کے خلاف کوئی اقدام کیا تو انہیں پچھلی بار سے زیادہ سخت اور تباہ کن جواب کا سامنا کرنا پڑے گا۔
میجر جنرل پاکپور نے کہا کہ دشمنوں کو پورے طور سے ایران کی طاقت کا اندازہ ہوچکا ہے۔
انہوں نے 12 روزہ صیہونی جارحیت کے بارے میں کہا کہ یہ جنگ ٹیکنالوجی اور مصنوعی ذہانت کی جنگ تھی جو صرف صیہونی حکومت سے نہیں بلکہ امریکہ اور یورپ سے بھی لڑی گئی۔
سپاہ پاسداران کے کمانڈر نے کہا کہ آج ہم بھی ایئرڈیفنس ٹیکنالوجی اور اسٹیلتھ ہتھیاروں پر مرکوز ہیں۔
انہوں نے زور دیکر کہا کہ اگر اپنے ہتھیاروں اور میزائلوں کو جدیدتر ٹیکنالوجی سے لیس کریں گے تو دشمن کے دفاعی رکاوٹوں سے گزرنے کی شرح میں اور بھی اضافہ ہو جائے گا۔
میجر جنرل محمد پاکپور نے کہا کہ امام حسین (ع) یونیورسٹی میدان جنگ اور سائنسی تحقیقات کے میدان کے مابین رشتوں کو مزید مستحکم کر سکتی ہے۔
The post ایران کی مسلح افواج اسٹیلتھ اور AI ٹیکنالوجیوں پر مرکوز ہیں، میجر جنرل محمد پاکپور appeared first on شیعہ نیوز پاکستان.
