شیعہ نیوز: برطانیہ میں ڈاکٹروں کی پانچ روزہ ہڑتال شروع ہوگئی ہے جس کی وجہ سے مریضوں کو سخت مشکلات کا سامنا ہے۔
برطانوی میڈیا کے مطابق نیشنل ہیلتھ سروسز، این ایچ ایس، میں ریزیڈینٹ ڈاکٹروں کی یہ 14ویں ہڑتال ہے، ہڑتال کے باعث طبی خدمات پر اثر پڑا ہے۔ ملک میں فلو کی شدید لہر کے باعث اسپتالوں پر دباؤ ہے، ہڑتال کے باعث مریضوں کو علاج کی سہولتیں نہیں مل رہیں۔
دوسری جانب برطانیہ کے وزیر صحت نے الزام عائد کیا کہ ہڑتال کا مقصد این ایچ ایس کو زیادہ نقصان پہنچانا ہے۔
یہ بھی پڑھیں : اسرائیلی حکومت اور متحدہ عرب امارات کا سیکورٹی معاہدہ
برٹش میڈیکل ایسوسی ایشن کا کہنا ہے کہ مریضوں کی حفاظت اولین ترجیح رہے گی، ہڑتال کے دوران خدمات جاری رکھنے کے لیے سینیئر ڈاکٹر تعینات کیے گئے ہیں۔
برطانوی میڈیا کے مطابق جی پی کلینکس کھلی رہیں گی جہاں ایمرجنسی سروسز دستیاب ہوں گی، البتہ کچھ اسپتالوں کے ایمرجنسی شعبے عارضی طور پر بند ہیں۔
برطانوی میڈیا کے مطابق عوام کو فوری مگر غیر جان لیوا مسائل کے لیے 111 آن لائن استعمال کرنے کی ہدایت کی گئی ہے۔
اطلاعات کے مطابق برطانوی حکومت کی نئی پیش کش کے باوجود ڈاکٹروں کی جانب سے ہڑتال برقرار ہے۔
The post برطانیہ میں ڈاکٹروں کی پانچ روزہ ہڑتال شروع، مریضوں کو سخت مشکلات کا سامنا appeared first on شیعہ نیوز پاکستان.
