حوزہ/ انسان کی حقیقی کامیابی کا راز اپنے نفس کی تہذیب، اصلاح اور تربیت میں پوشیدہ ہے۔ قرآن نے نفسِ امّارہ، نفسِ لوّامہ اور نفسِ مطمئنہ کا تذکرہ کر کے انسان کے باطنی سفر کا نقشہ بیان کیا ہے۔ نہج البلاغہ—جو امیرالمؤمنین حضرت علی علیہ السلام کی حکمتوں، خطبات اور نصائح کا عظیم ذخیرہ ہے—تربیتِ نفس کے باب میں ایک روشن مینار کی حیثیت رکھتی ہے۔ اس میں انسان کو اپنی اصلاح، محاسبہ، مجاہدہ، تقویٰ اور اخلاقی بلندی کی طرف رہنمائی ملتی ہے۔
