شیعہ نیوز: اسرائیلی وزیر توانائی ایلی کوہن نے اعلان کیا ہے کہ تل ابیب مصر کے ساتھ گیس برآمدات کے معاہدے پر سیکیورٹی مفادات کی ضمانت کے بغیر دستخط نہیں کرے گا، جس کے باعث یہ تاریخی معاہدہ تعطل کا شکار ہو گیا ہے۔
رپورٹ کے مطابق اسرائیلی کابینہ کے وزیر توانائی ایلی کوہن نے اعلان کیا ہے کہ تل ابیب سیاسی اور اقتصادی وجوہات کی بنا پر مصر کے ساتھ بڑے گیس معاہدے کی تکمیل کے خلاف ہے۔
انہوں نے واضح کیا کہ جب تک غاصب اسرائیل کے سیکیورٹی مفادات کی ضمانت نہیں دی جاتی، وہ گیس برآمدات کے معاہدے پر دستخط نہیں کریں گے۔
یہ بھی پڑھیں : غزہ میں شہریوں کے قتل میں ملوث سینئر اسرائیلی فوجی افسر نے خودکشی کر لی
غاصب اسرائیلی ذرائع ابلاغ کا دعویٰ ہے کہ امریکہ اس معاہدے کو حتمی شکل دینے کے لیے صہیونی حکومت پر دباؤ ڈال رہا ہے۔
اسرائیلی اخبار نے اطلاع دی ہے کہ امریکی توانائی کی بڑی کمپنی شورون، جو اس گیس فیلڈ کو چلاتی ہے، اسرائیل پر اس معاہدے کی منظوری کے لیے دباؤ ڈال رہی ہے۔
تجزیہ کاروں کا ماننا ہے کہ اسرائیل اس گیس کے معاملے کو مصر پر دباؤ ڈالنے کے لیے استعمال کر رہا ہے تاکہ غزہ میں جنگ بندی کے معاہدے میں مصر اور ترکی کے کردار کی وجہ سے مصر کو سزا دی جا سکے۔
The post تل ابیب نے مصر کے ساتھ سب سے بڑے گیس معاہدے پر دستخط مؤخر کر دیا appeared first on شیعہ نیوز پاکستان.
