شیعہ نیوز: سعودی عرب کے بادشاہ اور ولی عہد نے اپنے الگ الگ پیغامات میں صدر ایران کو انقلاب اسلامی کی فتح کی سالگرہ پر مبارکباد پیش کی اور ایرانی حکومت اور قوم کی ترقی اور خوشحالی کی خواہش ظاہر کی ہے۔
سرکاری خبر رساں ایجنسی SPA کی رپورٹ کے مطابق، سعودی عرب کے فرمانروا شاہ سلمان بن عبدالعزیز آل سعود نے ایک سرکاری پیغام میں انقلاب کی فتح کی سالگرہ کے موقع پر ایرانی صدر مسعود پزشکیان کو مبارکباد پیش کی۔
یہ بھی پڑھیں : دشمن کی دھمکیوں کا جواب ایسا ہوگا جس کا وہ تصور بھی نہ کرسکتے ہوں، ایرانی وزیر دفاع
سعودی عرب کی سرکاری خبر رساں ایجنسی (SASA) کے مطابق اس پیغام میں سعودی عرب کے بادشاہ نے تہہ دل سے مبارکباد پیش کرتے ہوئے اسلامی جمہوریہ ایران کی حکومت اور قوم کی ترقی اور خوشحالی کی خواہش کی۔
اس کے علاوہ ولی عہد شہزادہ محمد بن سلمان نے ایرانی صدر کے نام ایک الگ پیغام میں اس موقع پر مبارکباد پیش کی ہے۔
اپنے پیغام میں سعودی ولی عہد نے ایرانی حکومت اور عوام کے لیے نیک تمناؤں کا اظہار کیا ہے۔
The post سعودی فرمانروا اور ولی عہد کی ایران کے اسلامی انقلاب کی سالگرہ کی مبارکباد appeared first on شیعہ نیوز پاکستان.
