شیعہ نیوز: ایران کی مسلح افواج کی مشترکہ ہائي کمان نے سپاہ پاسداران کے خلاف آسٹریلوی حکومت کے اقدام کی مذمت کی ہے
رپورٹ کے مطابق ایران کی مسلح افواج کی مشترکہ ہائی کمان نے ایک بیان جاری کرکے پٹھو آسٹریلوی حکومت کے احمقانہ فیصلے کو دہشت گردوں کے سرپرست امریکہ کی قیادت میں تسلط پسند نظام کے شیطانی اہداف کو آگے بڑھانے نیز دہشت گرد اسرائیلی حکومت کے مظالم اور جرائم کے جاری رہنے کی حمایت سے تعبیر کیا ہے۔
یہ بھی پڑھیں : شام اور لبنان کے بارے میں صہیونی حکومت کے عزائم خطرناک ہیں، عبدالملک الحوثی
ایران کی مسلح افواج کی مشترکہ ہائی کمان نے اپنے بیان میں کہا ہے کہ آسٹریلوی حکومت کے بے بنیاد اور معاندانہ دعوے امریکہ اور اسرائیلی حکومت کے دباؤ میں کئے گئے دعووں کے علاوہ اور کوئی حیثیت نہیں رکھتے۔
بیان میں کہا گیا ہے کہ آسٹریلوی حکومت کا یہ فیصلہ اس بات کی عکاسی کرتا ہے کہ اس کو عالمی اور بین الاقوامی حقائق کا کوئی ادراک نہیں ہے۔
مسلح افواج کی مشترکہ ہائی کمان کے بیان میں کہا گیا ہے کہ اس قسم کے اقدامات اپنی دفاعی طاقت و توانائی بڑھانے کے لئے ایران کی شجاع قوم کے عزم و ارادے کی تقویت کریں گے اور ان کا نتیجہ وطن کی مدافع مسلح افواج بالخصوص دہشت گردی کی مخالف سپاہ پاسداران انقلاب اسلامی کی دنیا کی حریت پسند اقوام کی جانب سے حمایت بڑھنے کے علاوہ اور کچھ نہیں برآمد ہوگا۔
The post سپاہ پاسداران کے خلاف آسٹریلوی حکومت کے اقدام کا مقصد امریکہ اور اسرائیلی حکومت کے اہداف کو آگے بڑھانا ہے appeared first on شیعہ نیوز پاکستان.
