شیعہ نیوز: امریکہ و اسرائیل کے جنگ بندی دعووں کے باوجود اسرائیلی فوج نے غزہ پر زمینی، بحری اور فضائی حملے تیز کر دیے، متعدد علاقے نشانہ بنے۔
رپورٹ کے مطابق گزشتہ چند گھنٹوں کے دوران اسرائیلی فوج نے غزہ پر ہمہ جہت حملے جاری رکھے۔ توپ خانے نے شمال مشرقی غزہ شہر کے علاقوں کو نشانہ بنایا۔
یہ بھی پڑھیں : امریکی قرارداد میں اسرائیل کو وہ سب کچھ دے رہی ہے جو وہ جنگوں میں نہ حاصل کر سکا ہے، اسلامی جہاد
ان حملوں میں محلہ التفاح اور الشجاعیہ کے مشرقی حصے شدید بمباری کا شکار ہوئے۔ اسرائیلی فوج کے جنگی طیاروں نے جنوبی غزہ کے شہر خان یونس کے مشرقی علاقے کو بھی نشانہ بنایا، جبکہ مشرقی غزہ پر ایک اور فضائی حملہ کیا گیا۔
اس کے علاوہ صہیونی ڈرونز نے بھی محلہ التفاح پر فائرنگ کی۔
زمینی اور فضائی حملوں کے ساتھ ساتھ اسرائیلی بحری جہازوں نے غزہ شہر کے ساحل پر فائرنگ کی۔ یہ سب اس وقت ہو رہا ہے جب صہیونی حکومت اور امریکہ غزہ میں جنگ بندی کے نفاذ کا دعویٰ کر رہے ہیں۔
The post غزہ پر اسرائیلی فوج کے شدید زمینی، بحری اور فضائی حملے جاری appeared first on شیعہ نیوز پاکستان.
