حوزہ/حضرت اُمّ البنین سلام اللہ علیہا وہ عظیم اور باوقار خاتون تھیں کہ جن کے دامن سے آفتاب ولایت شمس امامت امیر کائنات امام علی مرتضیٰ علیہ السلام کو چار شموس ایثار و آفتابان وفا فرزند ملے، جو اپنی پوری عظمت کے ساتھ تاریخ کے افق پر جلوہ گر ہیں۔ مورخین کا بیان ہے کہ سید العرب امیر المومنین علیہ السلام نے اپنے بھائی نساب عرب جناب عقیل سے فرمایا: “اے بھائی! میرے لئے ایسی خاتون تلاش کرو جو شجاع خانوادے سے ہو اور اسے شجاعت وراثت میں ملی ہو، تاکہ اس کے ذریعہ مجھے شجاع بیٹا حاصل ہو۔
