شیعہ نیوز : کراچی والوں پر ٹریفک پولیس کا قہر جاری، شہر قائد میں 3دن کے دوران ساڑھے 6 کروڑ سے زائد مالیت کے 13 ہزار ای چالان جاری کر دیئے گئے۔ تفصیلات کے مطابق کراچی میں ٹریفک پولیس کی جانب سے جدید و خودکار فیس لیس ای ٹکٹنگ کے نظام کے نفاذ کے بعد 3 روز کے دوران ٹریفک قوانین کی خلاف ورزیوں میں مجموعی طور پر شہریوں کو ساڑھے 6 کروڑ روپے سے زائد کے 12 ہزار 942 ای چالان جاری کیے گئے۔
شہر میں 3 روز کے دوران سب سے زیادہ ای چالان سیٹ بیلٹ نہ باندھنے پر 7 ہزار 83، بغیر ہیلمٹ پہنے موٹرسائیکل چلانے پر 2 ہزار 456، اوور اسپیڈ پر 1920، سگنل پر ریڈ لائن کی خلاف ورزی پر 829، دوران ڈرائیونگ موبائل فون استعمال پر 410 اور رانگ وے پر 78 ای چالان جاری کیے گئے۔
یہ بھی پڑھیں : ایران کا افغانستان کے ساتھ تعلقات کے فروغ پر زور
ٹریفک پولیس کے مطابق غلط سمت ڈرائیونگ کرنے پر 78 چالان، دوران ڈرائیونگ لین لائن کا استعمال پر 49 چالان، کالے شیشوں پر 35 چالان، اوور لوڈنگ پر 26 چالان،غیر قانونی پارکنگ کرنے، اسٹاپ لائن کی خلاف ورزی کرنے اور غلط پارکنگ کرنے پر 20، 20 ای چالان جاری کیے گئے۔
اسی طرح ون وے پر، رانگ وے پر 11 چالان، اوور لوڈنگ اورمسافروں کو بسوں کی چھتوں پر بٹھانے پر 7 سات چالان جاری کیے گے۔ اسٹاپ لائن کی خلاف وزری، بس لین ڈرائیو، اچانک لائن کی تبدیلی، ٹیکس کی عدم ادائیگی، فینسی نمبر پلیٹ اور ون وے پر کوئی ای چالان جاری نہیں کیا گیا۔
The post کراچی والوں پر ٹریفک پولیس کا قہر جاری، 3دن میں 6.5 کروڑ سے زائد مالیت کے 13 ہزار ای چالان جاری appeared first on شیعہ نیوز پاکستان.
