شیعہ نیوز: روسی حکام نے اعلان کیا ہے کہ سومی کے محاذ پر یوکرینی فوج کی دو اہم یونٹس کو شدید نقصان پہنچا ہے، جن میں 80 فیصد اہلکار ہلاک ہو چکے ہیں۔
رپورٹ کے مطابق روس نے اعلان کیا ہے کہ یوکرینی افواج کو سومی کے محاذ پر مسلسل حملوں کے دوران شدید جانی و مالی نقصان اٹھانا پڑا ہے، خاص طور پر 71ویں بریگیڈ اور 225ویں حملہ آور یونٹ کے 80 فیصد اہلکار ہلاک ہوگئے ہیں۔
یہ بھی پڑھیں : ایتمار بن گویر اور اس کی دہشت گرد حکومت قیدیوں کے قتل کو قانونی جواز دینے کی کوشش کر رہے ہیں، حماس
روسی سیکیورٹی سروس کے مطابق، ان حملوں میں مذکورہ بریگیڈ اور یونٹ تقریباً مکمل طور پر تباہ ہو چکے ہیں۔
اس سے قبل، 225ویں یونٹ نے روسی افواج کے خلاف جوابی کارروائی کے لیے پوزیشن سنبھالی تھی، تاہم روسی حملوں میں 80 فیصد اہلکار ہلاک ہو گئے، جبکہ باقی ماندہ فوجی اپنی پوزیشنیں چھوڑ کر پیچھے ہٹ گئے۔
روسی افواج نے سومی میں ایک سیکیورٹی زون قائم کر لیا ہے۔ روسی صدر ولادیمیر پیوٹن کے مطابق، یہ اقدام یوکرین کی جانب سے کورسک پر حملے کے ردعمل میں کیا گیا ہے۔
The post یوکرینی فوج پر روس کے تابڑتوڑ حملے، ایک بریگیڈ اور یونٹ مکمل تباہ appeared first on شیعہ نیوز پاکستان.
