آبنائے ہرمز، ایران کا نیا ٹول پلازہ اور پیٹرو ڈالر کی موت ہوگی

شیعہ نیوز: آبنائے ہرمز اب مکمل طور پر بند نہیں ہے۔ اور نہ ہی یہ پہلے کی طرح سب کے لیے کھلا ہے۔ یہ اب ایک ایسی چیز بن چکا ہے جو دنیا نے تاریخ میں پہلے کبھی نہیں دیکھی: پاسدارانِ انقلاب کے کنٹرول میں چلنے والا ایک ‘پرمٹ کوریڈور’ ۔ پچھلے 24 گھنٹوں میں اس راستے سے صرف 3 جہاز گزرے ہیں (جنگ سے پہلے روزانہ 60 گزرتے تھے)۔ اس وقت ہرمز کے باہر 400 بڑے بحری جہاز (150 آئل ٹینکرز، 120 بلک کیریئرز اور دیگر) لائن میں لگے کھڑے ہیں۔ وہ کس چیز کا انتظار کر رہے ہیں؟ وہ لارک اور قشم  جزائر کے درمیان ایران کے ساحلی پانیوں سے گزرنے کے لیے نیوی کی اجازت کا انتظار کر رہے ہیں! آئیے غاصبوں کے خلاف مظلوم کی اس تاریخی معاشی بغاوت کا ڈیپ انالیسس کرتے ہیں۔

ٹول پلازہ کیسے کام کر رہا ہے؟
اصول بالکل سادہ اور دو ٹوک ہے: جو جہاز گزرنا چاہتا ہے، وہ  کے منظور شدہ ایجنٹس کو اپنی مکمل دستاویزات (کارگو، منزل، مالکان کی تفصیل) جمع کرواتا ہے۔ پاسدارانِ انقلاب مکمل سکریننگ کرتی ہے کہ آیا یہ غاصبوں کا جہاز تو نہیں۔ اگر جہاز کلیئر ہو جائے، تو اسے فی جہاز 2 ملین ڈالر (20 لاکھ ڈالر) کا ‘ٹول ٹیکس’ ادا کرنا پڑتا ہے! (ایک ٹینکر جس میں 20 لاکھ بیرل تیل ہو، اس کے لیے یہ ایک ڈالر فی بیرل بنتا ہے)۔ اجازت ملنے پر پاسدارانِ انقلاب کی پٹرولنگ بوٹس جہاز کو باحفاظت اس تنگ ترین راستے سے گزارتی ہیں۔ پاسدارانِ انقلاب کا یہ 2 ملین ڈالر کا ٹول ٹیکس کن ذرائع سے وصول کیا جا رہا ہے؟
● چینی یوآن
● کرپٹو کرنسی
● بارٹر سسٹم : (یعنی اپنی ضرورت کے سامان کے بدلے راستہ دینا)
یہ صرف ایک ٹول ٹیکس نہیں ہے۔ یہ بمباری کے سائے میں چلنے والا ‘پوسٹ ڈالر’ دنیا کا ایک لائیو اور کامیاب تجربہ ہے۔ اس حکمتِ عملی کا سب سے شاندار پہلو یہ ہے کہ ایران کا اپنا 1.1 سے 1.5 ملین بیرل تیل روزانہ بحفاظت نکل کر چین جا رہا ہے۔ ناکہ بندی صرف ان کے لیے ہے جو غاصبوں کے اتحادی ہیں۔

سینٹرل بینکس کی چیخیں اور دنیا کا نیا نظام:
دنیا بھر کے سینٹرل بینکس اس ایک آبنائے کے ہاتھوں یرغمال بن چکے ہیں:
● امریکی فیڈ  شرح سود نہیں گرا سکتا۔
● یورپی سینٹرل بینک  سود بڑھانے پر مجبور ہے۔
● جاپان کی 10 سالہ ییلڈ (Yield) 27 سال کی بلندی پر پہنچ چکی ہے۔
● دنیا کے 6 ممالک میں فیول راشننگ  شروع ہو چکی ہے (سلووینیا پمپوں پر QR کوڈ سکین کروا رہا ہے، ساؤتھ کوریا نے ہفتے میں ایک دن سرکاری گاڑیوں پر پابندی لگا دی ہے)۔

سمندر کی ‘ملکیت’ بدل گئی ہے
دنیا کے 20 فیصد تیل کی سپلائی اب کسی امریکی بحری بیڑے یا بین الاقوامی قانون کے رحم و کرم پر نہیں ہے۔ اب یہ ایک  ریڈیو کال، چند بٹ کوائنز  یا یوآن کے بلاک چین ٹرانسفر، اور ایک خودمختار قوم کے پاسدارانِ انقلاب کی منظوری کی محتاج ہے۔ امریکہ نے 1974ء میں جس پیٹرو ڈالر کی بنیاد رکھی تھی، وہ آج ہرمز کے پانیوں میں غرق ہو چکا ہے۔ جو جہاز ڈالر کے بجائے کرپٹو یا یوآن میں ٹول دے کر گزرتا ہے، وہ امریکی مالیاتی بالادستی کے تابوت میں ایک اور کیل ٹھونکتا ہے۔ آبنائے ہرمز بند نہیں ہوئی، اس کی ملکیت بدل گئی ہے۔ آپ کے خیال میں جب دنیا بھر کے تجارتی جہاز امریکی ڈالر کے بجائے یوآن یا دیگر میں اربوں مالیت کی ادائیگیاں کریں گے، تو کیا اس سے پیٹرو ڈالر میں زلزلہ نہیں آئے گا؟