شیعہ نیوز: اسلامی جمہوریہ ایران کی فوج کے ترجمان نے کہا ہے کہ دانشمندی کا تقاضا ہے کہ جنگ اس وقت تک جاری رکھی جائے کہ ملت ایران کا انسدادی حصار مکمل ہوجائے
اسلامی جمہوریہ ایران کی فوج کے ترجمان بریگیڈیئراکرمی نیا نے پیر 20 جولائی کو ایک فوجی جلسے سے خطاب میں کہا کہ دانشمندی کا تقاضا ہے کہ جنگ اس وقت تک جاری رکھی جائے کہ ایرانی قوم کا ڈیٹرینس مکمل ہوجائے۔
انھوں نے کہا کہ دوسری صورت میں، دشمن اندازوں کی غلطی کا شکار ہوکر، دوبارہ ایرانی سرزمین پر جارحیت کرے گا، بنابریں مکمل ڈیٹرینس کے حصول تک جنگ جاری رکھنا، جنگی ولولہ اور جنگ پسندی نہیں ہے بلکہ تجربے اور دانشمندی کا تقاضا ہے۔
یہ بھی پڑھیں : کویت میں تین اہم امریکی اڈوں کو فوج کے تباہ کن ڈرونز سے نشانہ بنایا گیا
بریگیڈیئراکرمی نیا نے بعض ملکوں کی جانب سے جارح دشمن کا ساتھ دیئے جانے کا ذکر کرتے ہوئے کہا کہ خلیج فارس کے بعض ممالک جنہوں نے برسوں آبنائے ہرمز سے فائدہ اٹھایا اور اربوں ڈالر کا تیل بیچا اوردرآمدات انجام دیں، آج ایران کے خلاف جرائم پیشہ امریکا کے ساتھ تعاون کررہے ہیں۔
انھوں نے کہا کہ ایران کے خلاف جارح امریکا کے ساتھ ان ملکوں کا یہ تعاون منصفانہ اور قابل قبول نہیں ہے اور جاری نہیں رہ سکتا۔
اسلامی جمہوریہ ایران کی فوج کے ترجمان بریگیڈیئر اکرمی نیا نے آخر میں کہا کہ آبنائے ہرمز مکمل طور پر ایران کی مسلح افواج کے کنٹرول میں ہے اور جن ملکوں نے ایران کے خلاف غیر قانونی اور جارحانہ اقدامات میں امریکا کا ساتھ دیا ہے، انہیں آبنائے ہرمز سے گزرنے میں یقینا مشکل کا سامنا ہوگا۔
انھوں نے کہا کہ یہ نہيں ہوسکتا کہ کہ آبنائے ہرمز سے وہ سامان جانے دیا جائے جو ایرانی قوم کے خلاف استعمال ہوں۔
The post آبنائے ہرمزسے ایرانی عوام کے خلاف استعمال ہونے والے وسائل جانے کی اجازت ہرگز نہیں دی جائے گی appeared first on شیعہ نیوز پاکستان.
