شیعہ نیوز: جاپان کی وزیرِاعظم سنے تاکائیچی نے کہا ہے کہ ایران جنگ کے باعث آبنائے ہرمز میں تیل کی ترسیل متاثر ہونے سے ایشیاء بحر الکاہل خطے پر ’بہت زیادہ اثر‘ پڑ رہا ہے۔
آسٹریلیا کے دورے کے دوران انہوں نے کہا ہے کہ اس اہم سمندری راستے کی عملی بندش نے تیل اور گیس کی سپلائی کو شدید متاثر کیا ہے، عالمی توانائی ایجنسی کے مطابق دنیا کی تقریباً 20 فیصد تیل اور گیس اسی راستے سے گزرتی ہے جس میں سے 80 فیصد ایشیاء کو جاتی ہے۔
تاکائیچی نے کہا کہ جاپان اور آسٹریلیا ہنگامی بنیادوں پر ایک دوسرے کے ساتھ تعاون بڑھا رہے ہیں تاکہ توانائی کے بحران کا مقابلہ کیا جا سکے۔
یہ بھی پڑھیں : پینٹاگون میں کشیدگی بڑھ گئی، امریکی وزیر دفاع تنہائی کا شکار، برطانوی اخبار
آسٹریلوی وزیرِاعظم انتھونی البانیز نے بھی تیل اور ایندھن کی سپلائی میں خلل پر تشویش کا اظہار کیا۔
واضح رہے کہ آسٹریلیا جاپان کو توانائی فراہم کرنے والا بڑا ملک ہے اور دونوں ممالک سپلائی کو مستحکم بنانے کی کوشش کر رہے ہیں۔
دورے کے دوران دونوں ممالک نے توانائی، معیشت، دفاع اور معدنی وسائل کے شعبوں میں تعاون بڑھانے کے معاہدے بھی کیے۔
عرب میڈیا کے مطابق دونوں ممالک نے خطے میں سیکیورٹی صورتِ حال کے پیشِ نظر دفاعی تعاون بڑھانے پر بھی زور دیا جبکہ حال ہی میں جاپان کی جانب سے آسٹریلیا کو جنگی جہاز فراہم کرنے کا 10 ارب ڈالرز کا معاہدہ بھی سامنے آیا ہے۔
The post آبنائے ہرمز کی بندش سے ایشیاء کو شدید توانائی بحران کا سامنا ہے، جاپانی وزیرِ اعظم appeared first on شیعہ نیوز پاکستان.
