شیعہ نیوز: اسلامی جمہوریہ ایران کے نائب وزیر خارجہ کاظم غریب آبادی نے آبنائے ہرمز سے متعلق ایران اور عمان کی مشترکہ کمیٹی کی پہلی میٹنگ کی خبردی ہے
رپورٹ کے مطابق ایران کے قانونی اور بین الاقوامی امور میں نائب وزير خارجہ کاظم غریب آبادی نے پیر 29 جون کو سماجی رابطے کے ایکس پیج پر اپنے سفر عمان کی خبردی ۔
انھوں نے اپنی اس پوسٹ میں لکھا ہے کہ ” دورہ مسقط میں آبنائے ہرمز کی مشترکہ کمیٹی کی پہلی میٹنگ ہوئی جس میں عمان کی طرف سے خارجہ امور کے وزیر مملکت عبدالعزیز الہنائی نے شرکت کی۔
یہ بھی پڑھیں : تاریخ “سردشت” پر کیمیائی حملے کے عاملین اور ان کے حامیوں کو کبھی فراموش نہیں کرے گی
کاظم غریب آبادی نے لکھا ہے کہ ” آبنائے ہرمز سے متعلق موجودہ مسائل اوراسلام آباد مفاہمتی یاد داشت نیز ساحلی ملکوں کے حقوق اور رٹ کی بنیاد پر، آبنائے ہرمز کے مستقبل کے منیجمنٹ اورکنٹرول کے بارے میں تبادلہ خیال کیا گیا۔
یاد رہے کہ اسلامی جمہوریہ ایران کے مذاکراتی وفد کے سربراہ اسپیکر ڈاکٹر محمد باقر قالیباف اور وزیر خارجہ سید عباس عراقچی کے 23 جون کے دورہ مسقط کے بعد، دونوں ملکوں نے مشترکہ بیان میں اس بات پر زور دیا تھا کہ آبنائے ہرمز کے کنٹرول میں، دونوں ساحلی ملکوں کے حقوق اور رٹ کا لحاظ اور احترام کیا جائے گآ۔
بیان میں اعلان کیا گیا تھا کہ تہران اور مسقط نے آبنائے ہرمز میں جہازرانی کے کنٹرول کا طریقہ کار، سروسیز اور بین الاقوامی معیاروں کے مطابق ان سروسیز کے اخراجات طے کرنے کے لئے ایک مشترکہ کمیٹی تشکیل دینے پر اتفاق کیا ہے۔
The post آبنائے ہرمز کی مشترکہ کمیٹی کی پہلی میٹنگ appeared first on شیعہ نیوز پاکستان.
