شیعہ نیوز: مشہد مقدس: فرزندِ رسول، شیعہ مسلمانوں کے آٹھویں امام حضرت امام علی رضا علیہ السلام کا یومِ شہادت آج مذہبی عقیدت و احترام کے ساتھ منایا جا رہا ہے۔ دنیا بھر میں عزاداروں کی جانب سے مجالسِ عزا، ماتمی جلوس اور دیگر مذہبی اجتماعات کا انعقاد کیا جا رہا ہے۔
یومِ شہادت کے موقع پر ایران سمیت مختلف ممالک میں امام رضا علیہ السلام کی سیرت، علمی خدمات، فضائل اور مصائب و شہادت کو بیان کیا جا رہا ہے، جبکہ عزادارانِ اہل بیتؑ نوحہ خوانی اور سینہ زنی کے ذریعے امام ہشتمؑ سے اپنی عقیدت کا اظہار کر رہے ہیں۔
مشہد مقدس میں حضرت امام علی رضا علیہ السلام کے روضۂ مبارک پر بھی خصوصی مجالس اور عزاداری کا سلسلہ جاری ہے، جہاں دنیا بھر سے آنے والے زائرین امام رضاؑ کی بارگاہ میں حاضری دے کر پرسہ پیش کر رہے ہیں۔
یہ بھی پڑھیں : امریکا رواں ہفتے کے آخر میں ایران پر تازہ حملوں کی منصوبہ بندی کر رہا ہے: رپورٹ
مجالس میں علماء و ذاکرین حضرت امام علی رضا علیہ السلام کی حیاتِ مبارکہ، تعلیمات، فضائل اور شہادت کے واقعات پر روشنی ڈال رہے ہیں۔
یومِ شہادت کے موقع پر عزادارانِ اہل بیتؑ نے بارگاہِ امام رضاؑ میں حاضری، مجالس اور عزاداری کے ذریعے امام مظلوم کو خراجِ عقیدت پیش کیا۔
The post آج یومِ شہادت حضرت امام علی رضا علیہ السلام، دنیا بھر میں مجالس و جلوس ہائے عزا کا سلسلہ جاری appeared first on شیعہ نیوز پاکستان.
