شیعہ نیوز: سربراہ تحریک بیداری اُمت مصطفیٰ علامہ سید جواد نقوی نے اپنے خطاب میں کہا ہے کہ پاکستان میں یہ تاثر پھیلایا جا رہا ہے کہ حوثیوں نے مکہ پر ڈرون حملہ کیا ہے، جس کے نتیجے میں عوام کو یہ باور کرانے کی کوشش کی جا رہی ہے کہ پاکستان کو سعودی عرب اور حرمین کے دفاع کے لیے فوری طور پر یمن کیخلاف فوجی کارروائی کرنی چاہیے۔ انہوں نے مزید کہا کہ یمن نے حرمِ پاک پر حملہ نہیں کیا، بلکہ جو امام حسینؑ کے پیروکار ہیں، یہ محافظین حرم ہیں۔ یمن نے آرامکو، جو تیل کی کمپنی ہے اور امریکہ و سعودی شراکت داری پر قائم ہے، اس پر حملہ کیا گیا ہے۔ یہ حملہ بھی یمن اپنی زمین کے دفاع کے لیے کر رہا ہے۔
انہوں نے کہا کہ اپنی زمین اور اپنے وطن کا دفاع اقوامِ متحدہ کے قانون کے مطابق بھی جائز ہے اور اسلام و شریعت کے مطابق بھی، جب کسی کی زمین پر حملہ کیا جائے اور اس کی سرزمین پر قبضہ کرنے کی کوشش کی جائے تو اپنی زمین کا دفاع کرنا ضروری ہوتا ہے۔ یمن اپنی زمین کا دفاع کر رہا ہے۔
علامہ جواد نقوی نے مزید کہا کہ وہ ریال خور مفتی اور مولوی، جو حق کو باطل اور باطل کو حق بنا دیتے ہیں، جب غزہ تباہ ہو گیا تو انہیں بے حرمتی نظر نہیں آئی، فلسطین تباہ ہو گیا تو بے حرمتی نظر نہیں آئی، مسجدِ اقصیٰ کی مسلسل بے حرمتی ہو رہی ہے تو وہ بھی انہیں نظر نہیں آئی، لیکن جب یمن اپنے دفاع کے لیے مزاحمت کرتا ہے تو انہیں یہ بھی بے حرمتی نظر آنے لگتی ہے۔ ان ریال خور مولویوں کے فریب میں ملت پاکستان کبھی نہیں آئے گی۔
یہ بھی پڑھیں : تکفیری وہابیوں اورنجدیوں کی عجب منطق،میلادالنبیؐ اور عزائے حسینؑ بدعت اور کعبہ کی شبیہ پر شکیرا کا مجرہ حلال
ان کا کہنا تھا کہ مشرقِ وسطیٰ کی موجودہ جنگ کو غزہ، اسرائیل، ایران، حزب اللہ، حماس اور یمن کے وسیع تر تنازع سے الگ کرکے نہیں دیکھا جا سکتا۔ خطے میں مختلف قوتیں اپنے مخالف مزاحمتی گروہوں کو کمزور کرنے کی کوشش کر رہی ہیں، جبکہ یمن میں حوثیوں نے اسرائیل کیخلاف کارروائیوں کے ذریعے اس علاقائی کشمکش میں اپنا نمایاں کردار برقرار رکھا ہے۔ اسی تناظر میں سعودی عرب اور اس کے بعض اتحادیوں نے حوثیوں کو کمزور کرنے یا ختم کرنے کے لیے اپنے حمایت یافتہ گروہوں کے ذریعے کارروائیاں کیں، لیکن حوثیوں کی مزاحمت کے باعث انہیں اپنے مطلوبہ نتائج حاصل نہیں ہو سکے۔
The post آرمکو پر حملے کو مکہ پر حملہ قرار دیکرپاکستان کو یمن پر حملے کیلئے اُکسایا جا رہا ہے، علامہ جواد نقوی appeared first on شیعہ نیوز پاکستان.
