شیعہ نیوز: شام کی عارضی حکومت کے وزیر خارجہ اسعد الشیبانی نے ابوظہور ایئربیس کے بارے صیہونی حکومت کے دعووں کو مسترد کرتے ہوئے کہا کہ مذکورہ ایئربیس کو شام کی فضائیہ کے لیے بحال کیا جا رہا تھا۔
رپورٹ کے مطابق شام کی عبوری حکومت کے وزیر خارجہ اسعد الشیبانی نے کہا کہ صیہونی حکومت کا یہ دعوی کہ ابوظہور ایئربیس میں ترک فوجی اڈہ قائم کیا جا رہا تھا بے بنیاد ہے۔
یہ بھی پڑھیں : آبنائے ہرمز سے پرامن آمد و رفت کا معاملہ پورے خطے کی سلامتی سے الگ نہیں، عمان کے وزیر خارجہ
انہوں نے کہا کہ اس ايئربیس کی تعمیر نو شام کی فضائیہ کو بحال کرنے کے لیے کی جا رہی تھی۔
اسعد الشیبانی کا کہنا ہے کہ ترک فوجی صرف ٹریننگ اور فوجی تعاون کے لیے اس جگہ پر موجود تھے اور ترک فوجیوں کی مستقل موجودگی یا انقرہ کے فوجی اڈے کی تعمیر کی تمام خبریں بے بنیاد ہیں۔
قابل ذکر ہے کہ صیہونی فوجی نے گزشتہ منگل کے روز شام کے صوبہ ادلب مین واقع ابوظہور ایئربیس پر میزائلی حملہ کیا تھا۔ اس حملے میں کم سے کم 8 بم رن وے اور ہینگروں سے ٹکرائے۔
یہ ایئربیس ترکی کی سرحد سے 72 کلومیٹر کے فاصلے پر واقع ہے۔
The post ابوظہور ایئربیس پر اسرائیل کے حملے کی کوئی توجیہ نہیں تھی، اسعد الشیبانی appeared first on شیعہ نیوز پاکستان.
