شیعہ نیوز: سابق اپوزیشن لیڈر و مجلس وحدت مسلمین کے نومنتخب رکن گلگت بلتستان اسمبلی محمد کاظم میثم نے اپنے ایک بیان میں کہا ہے کہ پیپلز پارٹی میں میری شمولیت کی خبروں میں کوئی صداقت نہیں ہے، ابھی تک حکومتی حصہ بننے کا کوئی فیصلہ نہیں ہوا۔ وفاق میں نون لیگ اور پیپلز پارٹی اتحادی ہیں، لہذا امید ہے کہ یہاں بھی نون لیگ اور پیپلز پارٹی ملکر وفاقی اتحاد کو برقرار رکھیں گی۔ اگر ایسا نہیں کرسکتے تو حفیظ الرحمان صاحب کو ہم اپوزیشن بنچ پر آنے سے نہیں روک سکتے اور ان کو پورا حق ہے کہ وفاق کی مروت میں فرینڈلی اپوزیشن کرے یا ہماری طرح حقیقی اپوزیشن کا کردار ادا کرے۔
یہ بھی پڑھیں : وزیر اعظم شہباز شریف نے بھی ایران امریکا اسلام آباد مفاہمتی یادداشت پر بطور ثالث دستخط کر دیئے
کاظم میثم کا کہنا تھا کہ نون لیگ کی تعداد زیادہ ہے تو اپوزیشن لیڈر بھی نون کا ہوگا۔ اس کا مطلب یہ ہرگز نہیں کہ ہم نے نون لیگ کی حمایت کی ہو بلکہ اپنے وفاق میں فطری اتحاد کے برخلاف وہ ہماری حمایت میں اپوزیشن کریں گے۔ باقی پیپلز پارٹی، استحکام اور نون لیگ کے تمام قائدین سے ملاقات سیاسی معاملات کا حصہ ہے۔
The post ابھی تک حکومت کا حصہ بننے کا کوئی حتمی فیصلہ نہیں ہوا، ممبر جی بی اسمبلی کاظم میثم appeared first on شیعہ نیوز پاکستان.
