شیعہ نیوز: روسی میڈیا کے مطابق امریکہ نے اردن کے موفق السلطی فوجی اڈے کو ایران کے خلاف فوجی کارروائیوں کے لیے علاقائی مرکز کے طور پر استعمال کیا۔
رپورٹ کے مطابق روسی میڈیا نے باخبر ذریعے کے حوالے سے کہا ہے کہ اردن میں قائم امریکی فوجی اڈہ موفق السلطی ایران کے خلاف امریکہ کی فوجی کارروائیوں کے آخری مرحلے میں فارورڈ آپریٹنگ بیس کے طور پر استعمال کیا گیا۔
تفصیلات کے مطابق مذکورہ ذریعے نے روسی خبر رساں ادارے اسپوٹنک کو بتایا کہ ایران کے خلاف امریکی جنگ کے آخری مرحلے میں اردن کا امریکی فوجی اڈہ موفق السلطی امریکی فوجی آپریشنز کا مرکزی علاقائی مرکز بن گیا تھا۔
یہ بھی پڑھیں : ایران کے ساتھ جنگ میں بے مثال میزائل حملوں کا سامنا کرنا پڑا، اسرائیلی عہدیدار کا اعتراف
ذرائع کے مطابق امریکہ کے پاس اس کے علاوہ کوئی مؤثر متبادل موجود نہیں تھا، کیونکہ اس کے قریبی خلیج فارس کے اتحادی، یعنی سعودی عرب اور متحدہ عرب امارات، نے اپنی فضائی حدود امریکی کارروائیوں کے لیے استعمال کرنے کی اجازت نہیں دی۔
رپورٹ میں مزید کہا گیا ہے کہ ایران نے امریکہ اور اسرائیلی حملوں کے جواب میں خطے میں موجود امریکی فوجی اڈوں پر مسلسل میزائل اور ڈرون حملے کیے، جس کے نتیجے میں متعدد امریکی اڈے اپنی آپریشنل صلاحیت سے محروم ہوگئے۔
The post اردن میں امریکی اڈا ایران کے خلاف جنگی کارروائیوں کا مرکزی مرکز تھا، روسی میڈیا appeared first on شیعہ نیوز پاکستان.
