شیعہ نیوز: ذرائع کے مطابق پاکستان، قطر، عمان اور آذربائیجان میں ہونے والی خفیہ سفارتی سرگرمیوں نے امریکا اور ایران کے درمیان حساس مذاکرات کو کامیاب بنانے میں اہم کردار ادا کیا۔ اطلاعات کے مطابق مذاکرات کے دوران جدید ڈیجیٹل ذرائع کے بجائے ہاتھوں سے لکھے گئے خطوط اور خصوصی پیغامات کا استعمال کیا گیا تاکہ معلومات کے اخراج کا خطرہ کم سے کم رکھا جا سکے۔
ذرائع کا کہنا ہے کہ بعض اہم ملاقاتیں امریکی جنگی جہازوں پر بھی منعقد ہوئیں، جہاں انتہائی خفیہ نوعیت کے امور پر تبادلہ خیال کیا گیا۔ سفارتی حلقوں کے مطابق مذاکراتی عمل کو خفیہ رکھنے کے لیے مختلف سطحوں پر سخت سکیورٹی اقدامات اختیار کیے گئے۔
یہ بھی پڑھیں : ایران کے صدر پزشکیان نے اسلام آباد مفاہمتی یاد داشت پر دستخط کردیئے
ذرائع نے دعویٰ کیا ہے کہ مذاکرات کے دوران اسرائیلی انٹیلی جنس کو گمراہ کرنے کے لیے مختلف ذرائع سے متضاد اور گمراہ کن معلومات بھی پھیلائی گئیں، جس کے باعث اصل پیش رفت خفیہ رہی۔ مبصرین کے مطابق اس حکمتِ عملی نے مذاکراتی عمل کو ممکنہ رکاوٹوں سے محفوظ رکھنے میں مدد دی۔
The post اسرائیلی جاسوسوں کو چکما، پاکستانی حکمتِ عملی کامیاب، امریکا۔ایران معاہدہ محفوظ appeared first on شیعہ نیوز پاکستان.
