شیعہ نیوز: فلسطینی اسیران کے دفتر اطلاعات نے خبردار کیا ہے کہ اسرائیلی جیلوں میں قید قائد مروان البرغوثی کی زندگی حقیقی خطرے میں ہے، جبکہ اسرائیل کی جانب سے ان کے خلاف ایک منظم سفاکیت جاری ہے جس میں نہ صرف انہیں بلکہ ان کے اہل خانہ کو بھی نشانہ بنایا جا رہا ہے۔
دفتر نے کہا کہ صبح ان کے اہل خانہ کو ایک فون کال کے ذریعے دھمکی آمیز اور خوفزدہ کرنے والی جھوٹی معلومات فراہم کی گئیں، جو اسرائیل کے قیدیوں کے اہل خانہ پر دباؤ ڈالنے اور انہیں دہشت زدہ کرنے کے واضح منصوبے کی عکاس ہے۔
یہ بھی پڑھیں : مغربی کنارے اور مقبوضہ بیت المقدس میں 85 موثر اور عوامی مزاحمتی کارروائیاں
اسیران میڈیانے مزید کہا کہ یہ جرم اس وقت پیش آیا ہے جب البرغوثی کو مسلسل قید تنہائی میں رکھا جا رہا ہے، ان پر تشدد کیا جا رہا ہے اور ان کی ملاقاتیں روک دی گئی ہیں، اس کے ساتھ ہی انتہا پسند وزیر ایتمار بن گویر کی جانب سے اعلانیہ دھمکیاں دی گئی ہیں، جو واضح طور پر البرغوثی کی زندگی کو نشانہ بنانے کی نیت ظاہر کرتی ہیں۔
بیان میں اسرائیل کو مروان البرغوثی اور تمام قیدیوں کی زندگی کی مکمل ذمہ داری قرار دیا اور اقوام متحدہ، ریڈ کراس اور دیگر انسانی حقوق کی تنظیموں سے فوری مداخلت، فوری تفتیش اور قیدخانوں میں بڑھتے ہوئے جرائم کو روکنے کا مطالبہ کیا۔
دفتر نے زور دیا کہ عالمی برادری کی خاموشی اسرائیل کو قیدیوں کے خلاف جرائم جاری رکھنے کا موقع فراہم کرتی ہے اور یہ ان کی جانوں کے تحفظ میں سنگین غفلت ہے۔
The post اسرائیلی جیل میں مروان البرغوثی کی جان خطرے میں ہے ، اسیران میڈیا appeared first on شیعہ نیوز پاکستان.
