شیعہ نیوز: گزشتہ دنوں شام کے جنوبی علاقوں میں واقع “بیت جن” قصبے میں صیہونی فوج کے ایئربورن یونٹ پر حملے کے لیے، غاصب اسرائیلی فوج نے جولانی کے کارندوں کو ذمہ دار قرار دیا ہے۔
28 نومبر کو ہونے والے حملے میں متعدد اسرائیلی فوجی زخمی ہوئے تھے جس پر صیہونی فوج نے ردعمل ظاہر کرتے ہوئے کہا ہے کہ جولانی کے کارندوں کے ملوث ہونے پر مبنی خبروں کے ثابت ہونے کی صورت میں صیہونی فوج شام کے جنوبی علاقوں میں اپنی کارروائیوں کا دائرہ بڑھا دے گی۔
یہ بھی پڑھیں : لبنان، اسرائیلی حکومت کے ساتھ خفیہ مذاکرات، عوام کا احتجاج
قابل ذکر ہے کہ مذکورہ حملے میں 6 صیہونی فوجی زخمی ہوئے تھے جن میں سے 2 کی حالت نازک بتائی جا رہی ہے۔ اس حملے کے جواب میں غاصب اسرائیلی فوج نے کم سے کم 20 شامی شہریوں کو شہید کردیا جن میں کئی کمسن بچے بھی شامل ہیں۔
قابل ذکر ہے کہ گزشتہ سال بشار اسد کا تختہ پلٹنے کے بعد، اسرائیلی فوج نے جولان کے بفر زون پر بھی قبضہ کرلیا تھا اور شام کے جنوبی علاقوں میں فوجی گشت کا سلسلہ بھی شروع کردیا ہے۔
The post اسرائیلی فوجیوں پر حملے میں جولانی کی فورسز ملوث تھیں، صیہونی فوج کا دعویٰ appeared first on شیعہ نیوز پاکستان.
