شیعہ نیوز: اسرائیل اور عرب ریاستوں نے امریکہ پر زور دیا ہے کہ وہ فی الحال ایران پر حملہ نہ کرے۔
امریکی ٹی وی کا کہنا ہے کہ اسرائیل اور عرب ریاستوں کا خیال ہے ایران پر حملے کے بجائے ایرانی حکومت کو مزید کمزور کیا جائے۔
امریکی ٹی وی کے مطابق کچھ عرب حلقوں کو خدشہ ہے کہ امریکہ کا فوری حملہ ایرانیوں کو کہیں متحد نہ کردے۔
یہ بھی پڑھیں : امریکہ نے مصر، لبنان اور اردن کی مسلم برادر تنظیموں کو ’دہشت گرد‘ قرار دے دیا
گزشتہ روز امریکی صدر ٹرمپ نے میڈیا سے گفتگو میں کہا کہ اگر ایران مظاہرین کو پھانسی دیتا ہے تو ہم بہت سخت کارروائی کریں گے۔
ڈونلڈ ٹرمپ نے دعویٰ کیا کہ ایران کی صورت حال بہت خراب ہے، ایران میں قتل عام اُن کے علم میں ہے، ایران میں ہلاکتوں کی صحیح تعداد جلد معلوم کرلیں گے۔
ڈونلڈ ٹرمپ نے امریکی شہریوں کو ایران چھوڑنے کی ہدایت کرتے ہوئے خبردار کیا کہ اگر ایرانی حکام مظاہرین کے خلاف تشدد جاری رکھتے ہیں تو امریکہ انتہائی سخت آپشنز استعمال کر سکتا ہے۔
The post اسرائیل اور عرب ریاستوں کا ایران پر فی الحال حملہ نہ کرنے پر زور appeared first on شیعہ نیوز پاکستان.
