شیعہ نیوز: صیہونی حکومت کے وزیر خارجہ گدعون ساعر نے تل ابیب اور واشنگٹن کے تعلقات کو باہمی وابستگی قرار دیتے ہوئے اسرائیل کو مغربی ایشیا میں امریکہ کا اسٹریٹیجک سرمایہ قرار دیا۔
رپورٹ کے مطابق گدعون ساعر نے کہا کہ جس طرح سے اسرائیل کے لیے امریکہ کا کوئی متبادل نہیں اسی طرح سے مغربی ایشیا میں اسرائیل امریکی مفادات کے تحفظ کا اہمترین اثاثہ ہے۔
یہ بھی پڑھیں : دشمن کے اندازوں کی غلطی کا جواب پہلے سے زیادہ تباہ کن انداز میں دیا جائے گا، سپاہ پاسداران انقلاب کا انتباہ
انہوں نے تل ابیب اور واشنگٹن کے تعلقات کو اسٹریٹیجک نوعیت کا قرار دیتے ہوئے کہا کہ بقول ان کے امریکہ اور صیہونی حکومت کے مفادات کی بنیاد سیکورٹی، سیاست اور علاقائی سطح پر مشتمل طویل المدت مفادات اور تعاون پر ڈالی گئی ہے۔
قابل ذکر ہے کہ دنیا بھر کے معتبر مبصرین اور سیاسی امور کے ماہرین نے کہا ہے کہ گزشتہ چند مہینے کے دوران مغربی ایشیا میں امریکہ کی پوزیشن بہت زیادہ کمزور پڑ چکی ہے اور علاقے کے واحد پراکسی گروہ یعنی صیہونی رجیم نے اپنے ساتھ ساتھ واشنگٹن کو بھی تباہی کے دہانے پر لاکر کھڑا کردیا ہے۔
The post اسرائیل مغربی ایشیا میں امریکہ کا اسٹریٹیجک سرمایہ ہے! صیہونی وزیر خارجہ appeared first on شیعہ نیوز پاکستان.
