شیعہ نیوز: جنوبی لبنان کے شہر نبطیہ میں جمعرات کی شام اسرائیل کے ایک ڈرون حملے میں تین لبنانی شہری جام شہادت نوش کر گئے، جبکہ قابض دشمن کی جانب سے جنگ بندی کی مسلسل خلاف ورزیاں جاری ہیں۔
لبنانی وزارت صحت نے بتایا ہے کہ ضلع نبطیہ کے قصبے شوکین کی شاہراہ پر ایک کار کو نشانہ بنانے والے اسرائیل کے فضائی حملے کے بعد 3 شہریوں کی میتیں نکال لی گئی ہیں۔
وزارت کے مطابق ملک کے جنوب میں واقع ضلع بنت جبیل کے قصبے یاطر پر اسرائیل کی گولہ باری کے نتیجے میں دو شہری زخمی بھی ہوئے ہیں۔
یہ بھی پڑھیں : مقدس مقام پر نئے حقائق مسلط کرنے کے لیے آباد کاروں کی مسجدِ اقصیٰ پر یلغار جاری ہے، شیخ عکرمہ صبری
دوسری جانب اسرائیلی فوج نے دعویٰ کیا ہے کہ جنوبی لبنان کے علاقے عیناتا کے گاؤں میں حملہ کرکے دو مسلح افراد کو قتل کر دیا۔
اسرائیل کے دوسرے حملے میں لبنان کے ایک اور گاؤں کو بھی نشانہ بنایا گیا، جس کے نتیجے میں بچے سمیت دو افراد زخمی ہوئے۔
واضح رہے کہ 17 اپریل سنہ 2026ء کو امریکی صدر ڈونلڈ ٹرمپ نے 10 روزہ قابل تجدید جنگ بندی کا اعلان کیا تھا، تاہم قابض اسرائیل جنوبی لبنان میں بمباری، نشانہ بنا کر قتل کرنے اور گھروں کو تباہ کرنے کی کارروائیوں کے ذریعے روزانہ کی بنیاد پر اس کی خلاف ورزی کر رہا ہے۔
سرکاری اعداد و شمار کے مطابق جنگ بندی سے قبل اسرائیل نے 2 مارچ سنہ 2026ء سے لبنان پر ایک وحشیانہ جارحیت مسلط کی تھی جس کے نتیجے میں 2475 شہری شہید اور 7696 زخمی ہوئے، جبکہ دس لاکھ سے زائد افراد بے گھر ہو چکے ہیں۔
The post اسرائیل کا جنوبی لبنان پر فضائی حملہ، بچے سمیت تین افراد شہید، متعدد زخمی appeared first on شیعہ نیوز پاکستان.
