شیعہ نیوز: امریکہ کی صیہونی لابی اے آئی پی اے سی (AIPAC) نے ان ڈیموکریٹ اراکین پارلیمان کی انتخابی مالی امداد روک دی ہے جنہوں نے تل ابیب کے لئے واشنگٹن کی مالی امداد کم کرنے کے حق میں ووٹ دیئے تھے۔
تہران – ارنا – امریکی روزنامے دی ہل (The Hill) کے مطابق اسرائيل کی حامی امریکا کی صیہونی لابی اے آئی پی اے سی نے امریکی ایوان نمائندگان کے ان دسیوں اراکین کی انتخابی مالی امداد روک دی ہے جنہوں نے اسرائیل کے لئے امریکہ کی فوجی امداد میں 3 اعشاریہ 3 ارب ڈآلر کی کمی کے حق میں ووٹ دیئے تھے۔
یہ بھی پڑھیں : نیتن یاہو کا دورۂ امریکہ ملتوی ہونے کی وجہ واشنگٹن سے اختلافات ہیں، صہیونی ذرائع
یاد رہے کہ 100 سے زائد ڈیموکریٹ اراکین ایوان نمائندگان نے اس ترمیمی بل کی حمایت کی تھی جو 2027 میں اسرائيل کی فوجی امداد محدود کرنے کی غرض سے پیش کیا گیا تھا۔
اگرچہ یہ بل 314 چودہ ووٹوں سے مسترد ہوگیا لیکن 104 ڈیموکریٹ اراکین کی جانب سے اس بل کی حمایت کو اسرائیل کی غیرمشروط امداد کی مخالفت بڑھنے کی علامت سمجھا گیا ہے۔
اس رپورٹ کے مطابق اے آئی پی اے سی نے امدادی فنڈ تک، نینس پلوسی، کیتھرن کلارک اور جیک اوچن کلاس سمیت مذکورہ بل کے حامی سبھی اراکین ایوان نمائندگان کی دسترسی روک دی ہے۔
امریکہ کی صیہونی لابی اے آئی پی اے سی نے یہ اقدام ایسی حالت میں کیا ہے کہ غزہ کے بحران نے اسرائيل کی حمایت کے بارے میں ڈیموکریٹک پارٹی کے اندر اختلاف بڑھا دیئے ہیں۔
The post اسرائیل کی فوجی امداد کے مخالف ڈیموکریٹ لیڈروں کے خلاف AIPAC کا اقدام appeared first on شیعہ نیوز پاکستان.
