حوزہ/امام خمینی کی انقلابی جدوجہد کسی وقتی جوش یا جذباتی ردِعمل کا نتیجہ نہیں تھی، بلکہ یہ دہائیوں پر محیط ایک منظم، گہری اور دور اندیش حکمتِ عملی کا حاصل تھی۔ انہوں نے روایتی مذہبی دائرے سے نکل کر اسلام کو محض عبادات تک محدود رکھنے کے بجائے ایک ہمہ گیر سیاسی و سماجی نظام کے طور پر پیش کیا۔اسی تناظر میں انہوں نے “ولایتِ فقیہ” کا نظریہ پیش کیا اور یہ ثابت کرنے کی کوشش کی کہ دین اور سیاست کو جدا کرنا اسلامی فکر کے منافی ہے۔ اس تصور نے صدیوں سے خاموش مذہبی طبقے کو عملی سیاست میں کردار ادا کرنے کا فکری و اخلاقی جواز فراہم کیا۔
