شیعہ نیوز: ہسپانوی ذرائع ابلاغ کے مطابق غزہ کے لئے امدادی بیڑے کے ایک ہسپانوی کارکن کی “ناقابل قبول اور ناقابل برداشت” حراست پر احتجاج کرنے کے لئے اسپین نے میڈرڈ میں تعینات اسرائیلی چارج ڈی افیئرز کو ایک بار پھر وزارت خارجہ طلب کیا ہے۔
اس رپورٹ کے مطابق، ایک اسرائیلی عدالت نے، غزہ کی جانب رواں عالمی یکجہتی فلوٹیلا صمود سے گرفتار کئے گئے فلسطینی نژاد ہسپانوی شہری سیف ابو کشک اور برازیلین شہری و غزہ کے حامی ٹیاگو اویلا کی نظر بندی میں اتوار تک توسیع کی تھی۔
یہ بھی پڑھیں : واشنگٹن پوسٹ: ایران اب بھی قابل ذکر میزائل صلاحیتوں کا مالک
اس حوالے سے ہسپانوی وزیر خارجہ ہوزے مینوئل الباریس نے آج ملکی پارلیمان میں کہا کہ ہم نے اسرائیلی چارج ڈی افیئرز کو یہ بات بتانے کے لئے کہ ہمارے شہری کی حراست میں توسیع کتنی ناقابل قبول اور ناقابل برداشت ہے، دوبارہ وزارت خارجہ طلب کیا ہے۔
قبل ازیں بروز جمعہ بھی ہسپانوی وزارت خارجہ نے میڈرڈ میں اسرائیلی ناظم الامور ڈانا ایرلچ کو طلب کرتے ہوئے انسانی ہمدردی کے فلوٹیلا صمود پر قبضے کی “سخت ترین مذمت” کی تھی۔
واضح رہے کہ غزہ کی جانب بین الاقوامی کارکنوں اور انسانی امداد کو لے کر جانے والے اس فلوٹیلا پر اسرائیل نے غزہ کے ساحل سے تقریباً 1000 کلومیٹر کے فاصلے پر حملہ کیا اور اسے یونان کے جنوب میں واقع بین الاقوامی پانیوں میں ہی اپنے قبضے میں لے لیا تھا جس کے بعد اس کے متعدد کارکنوں کو گرفتار کر کے تشدد کا نشانہ بھی بنایا گیا، جبکہ ان کارکنوں میں سے 2 ہنوز اسرائیلی حراست میں ہیں۔
The post اسپین نے میڈرڈ میں اسرائیلی ناظم الامور دوبارہ طلب کر لیا appeared first on شیعہ نیوز پاکستان.
