شیعہ نیوز: اقوام متحدہ کی سلامتی کونسل نے امریکی تجویز پر شام کے شدت پسند رہنما ابومحمد الجولانی پر عائد پابندیاں ختم کر دی ہیں، جس پر ماضی میں دہشت گردی کے الزامات عائد کیے گئے تھے۔
رپورٹ کے مطابق اقوام متحدہ کی سلامتی کونسل نے جمعرات کے روز ایک قرارداد منظور کرتے ہوئے شام میں سرگرم شدت پسند رہنما ابومحمد الجولانی اور اس کے وزیر داخلہ انس خطاب پر عائد پابندیاں ختم کر دی ہیں۔
یہ بھی پڑھیں : لبنانی قیادت کے نام حزب اللہ کا کھلا خط، جامع حکمت عملی کی وضاحت
یہ قرارداد امریکہ کی تجویز پر پیش کی گئی تھی، جسے 14 ممالک کی حمایت حاصل ہوئی، جبکہ چین نے ووٹنگ میں حصہ نہیں لیا۔
پابندیوں کی منسوخی ایسے وقت میں کی گئی ہے جب الجولانی، جو اب “احمد الشرع” کے نام سے جانے جاتے ہیں، امریکہ کے سرکاری دورے پر روانہ ہونے والے ہیں۔ وائٹ ہاؤس کے مطابق، صدر ڈونلڈ ٹرمپ پیر کے روز ان سے ملاقات کریں گے۔
شامی وزیر خارجہ اسعد الشیبانی نے کہا ہے کہ الشرع اپنے دورے کے دوران باقی ماندہ پابندیوں کے خاتمے، شام کی تعمیر نو اور انسداد دہشت گردی جیسے امور پر امریکی حکام سے بات چیت کریں گے۔
امریکی حکام اس سے قبل بھی الجولانی کی قیادت میں قائم گروہ پر عائد بعض پابندیاں ختم کر چکے ہیں، جسے ناقدین دہشت گردی کے خلاف پالیسی میں تضاد قرار دے رہے ہیں۔
The post اقوام متحدہ نے ابومحمد الجولانی پر عائد پابندیاں ختم کر دیں appeared first on شیعہ نیوز پاکستان.
