شیعہ نیوز: اقوام متحدہ کے ایک اعلیٰ سطح وفد نے عراق کے مقدس شہر کربلا کا دورہ کیا، جہاں وفد نے شہر کے اہم مذہبی و تاریخی مقامات کے علاوہ مختلف انسانی سرگرمیوں اور خدمات کا جائزہ لیا۔ وفد میں عراق میں اقوام متحدہ کی اعلیٰ سلامتی مشیر محترمہ اولگا موکروفا، عراق میں سکیورٹی آپریشنز اور معلومات کے ڈائریکٹر علی حمود، عالمی خوراک پروگرام کے سکیورٹی ڈائریکٹر ریاضات خان اور عراق میں اقوام متحدہ کے سکیورٹی کوآرڈینیٹر زید محمد فاضل شامل تھے۔
یہ بھی پڑھیں : کوئٹہ کے شیعہ علماء کے وفد کی صوبائی امیر جمعیت علمائے اسلام سینیٹر مولانا عبدالواسع سے ملاقات
وفد نے کربلا معلی کے متعدد اہم مقامات کا دورہ کیا۔ اس موقع پر وفد نے حرم امام حسین علیہ السلام میں حاضری دی اور صحن حسینی میں حرم امام حسینؑ کے متولی شرعی شیخ عبدالمہدی کربلائی سے ملاقات کی۔ شیخ عبدالمہدی کربلائی نے معزز وفد کا خیر مقدم کیا اور انہیں حرم مطہر کی تاریخ، اس کے اہم منصوبوں اور زائرین کو فراہم کی جانے والی مختلف خدمات کے بارے میں مختصر بریفنگ دی۔
The post اقوام متحدہ کے اعلیٰ سطح وفد کا کربلا میں حرم مطہر امام حسینؑ کا دورہ، متولی شرعی شیخ عبدالمہدی سے بھی ملاقات appeared first on شیعہ نیوز پاکستان.
