شیعہ نیوز: حزب اللہ نے غاصب اسرائیل کے اہم فوجی اور صنعتی مراکز پر ایک غیر معمولی حملوں کا سلسلہ آغاز کیا ہے، جو شمالی فلسطین سے لے کر تل ابیب تک پھیل چکا ہے۔
رپورٹ کے مطابق مقاومت اسلامی لبنان نے اعلان کیا ہے کہ اس نے ایک نئی کارروائی کے تحت اسرائیل کی اہم فوجی و صنعتی تنصیبات کو نشانہ بنایا ہے۔
تل ابیب سمیت فوجی مراکز پر میزائل حملے
رپورٹ کے مطابق حزب اللہ نے نقطہ زن میزائلوں سے تل ابیب کے مضافات میں واقع فوجی بیس گلیلوت کو نشانہ بنایا۔ اسی طرح اسرائیلی فوج کے پیراشوٹ ڈویژن کی تربیتی تنصیبات پر بھی شدید حملہ کیا گیا۔
حیفا کے دفاعی کارخانوں اور بحری اڈوں پر ڈرون حملے
یہ بھی پڑھیں : تہران میں شہید فوجی کمانڈروں اور شہریوں کی تشییع جنازہ، ہزاروں افراد کی شرکت
حزب اللہ کے خودکش ڈرونز نے حیفا کے شمال میں واقع اسرائیلی اسلحہ ساز کمپنی رافائل ڈیفنس انڈسٹریز کے کمپلیکس کو ہدف بنایا۔
مزید برآں، ایک بحری اڈے اور “یعرا” فوجی بیس پر بھی دقیق حملے کیے گئے، جن کے نتیجے میں شمالی فلسطین کے بڑے حصوں میں خطرے کی گھنٹیاں بج اٹھیں۔
صیہونی بستیوں سخت حملے
کریات شمونہ، شلومی، آویویم، شتولا اور نہاریا سمیت کئی صیہونی بستیوں کو میزائل اور ڈرون حملوں کا نشانہ بنایا گیا۔
شمالی فلسطین میں واقع المطله بستی کو ایک ہی روز میں تین مرتبہ پے در پے شدید راکٹ حملوں کا سامنا کرنا پڑا۔
تل ابیب میں دھماکے
اسرائیلی ذرائع ابلاغ، نے تصدیق کی کہ مرکزی اسرائیل کے علاقوں میں شدید دھماکوں کی آوازیں سنی گئیں۔
اطلاعات کے مطابق، یہ دھماکے جنوبی لبنان سے داغے گئے میزائلوں کے سبب ہوئے جن کے دوران خطرے کے سائرن نہیں بجے۔
مقبوضہ جولان میں حزب اللہ کے ڈرونز کی کارروائی
اسرائیلی داخلی فرنٹ کے ترجمان نے اعلان کیا کہ مقبوضہ جولان کے شمالی علاقوں میں ناشناختہ ڈرونز کی رسائی کے بعد خطرے کے سائرن بجا دیے گئے۔
اس کے نتیجے میں شمالی فلسطین کے متعدد سرحدی قصبوں میں ایمرجنسی تیاریاں شروع کی گئیں۔
ایک دن میں 33 آپریشنز
بیان کے مطابق، حزب اللہ نے بدھ کے روز محض ایک دن میں ۳۳ الگ الگ کارروائیاں انجام دیں، جن میں میزائل اور ڈرون حملے شامل تھے۔
تنظیم نے واضح کیا کہ یہ کارروائیاں اسرائیلی جارحیت کے تسلسل میں دفاعی ردعمل کے طور پر انجام دی گئیں۔
The post العصف المأکول آپریشن، حزب اللہ کا تل ابیب اور حیفا پر شدید میزائل و ڈرون حملے appeared first on شیعہ نیوز پاکستان.
