شیعہ نیوز: برطانوی اخبار فنانشل ٹائمز کے مطابق اماراتی صدر شیخ محمد بن زاید نے اپنے تین بھائیوں کو ایران کے ساتھ تعلقات میں تناؤ کم کرنے کی ذمہ داری سونپ دی ہے۔
رپورٹ کے مطابق برطانوی اخبار فنانشل ٹائمز نے باخبر ذرائع کے حوالے سے رپورٹ دی ہے کہ متحدہ عرب امارات کے صدر شیخ محمد بن زاید نے اپنے تین بھائیوں کو ایران کے ساتھ کشیدگی کم کرنے اور تعلقات میں بہتری لانے کی ذمہ داری سونپی ہے۔
یہ بھی پڑھیں : ایرانی بحری جہاز پر یوکرین کا حملہ دہشت گردانہ اقدام تھا، روسی وزارت خارجہ
رپورٹ کے مطابق خطے کی موجودہ صورت حال نہ مکمل جنگ کی ہے اور نہ ہی مکمل امن کی، بلکہ ایک غیر یقینی کیفیت برقرار ہے۔ ایسے حالات میں اماراتی قیادت نے لچکدار سفارتی حکمت عملی اختیار کرنے کو ترجیح دی ہے تاکہ علاقائی کشیدگی میں مزید اضافہ نہ ہو۔
واضح رہے کہ اس سے قبل ایران کی مسلح افواج نے ایران کے خلاف کارروائیوں میں امارات کے مبینہ تعاون اور امریکہ کے ساتھ کھلے اشتراک کے ردعمل میں امارات کے اندر بعض اہداف کو نشانہ بنایا تھا۔
The post امارات کی ایران کے ساتھ کشیدگی کم کرنے کی کوششیں تیز، برطانوی میڈیا appeared first on شیعہ نیوز پاکستان.
