حوزہ / علامہ سید ساجد علی نقوی نے گیارہویں امام حضرت امام حسن عسکری علیہ السلام کے یوم ولادت کے موقع پر اپنے پیغام میں کہا ہے کہ حسن ابن علی، ابو محمد کنیت اور عسکری لقب پانے والے گیارہویں امام نے نہایت کٹھن اور نامساعد حالات میں اپنے والد گرامی حضرت امام علی نقی علیہ السلام کی شہادت کے بعد منصب امامت سنبھالا۔ آپ کی امامت کے اثرات معاشرے اور ماحول میں واضح طور پر مرتب ہوئے اور لوگوں کی کثیر تعداد راہ حق و صداقت کی طرف متوجہ ہوئی۔
