شیعہ نیوز: ایران کی وزارت خارجہ کے ترجمان اسماعیل بقائی نے کہا ہے کہ امریکا کی ایران مخالف پالیسی کی سطح گرکر تلخ طنز تک پہنچ گئی ہے۔
رپورٹ کے مطابق – ترجمان وزارت خارجہ اسماعیل بقائی نے بدھ 26 اگست کی رات، ایران کے خلاف اقتصادی دہشت گردی آگے بڑھانے کے لئے، ان ملکوں کے ساتھ امریکی حکومت کی مشاورت پر،جن کے ایران کے ساتھ اقتصادی روابط ہیں ہی نہیں، اپنے ردعمل میں سوشل میڈیا پر لکھا ہے کہ” ایران کے سلسلے میں واشنگٹن کی سیاست حقیقی طنز جیسی ہوگئی ہے۔”
یہ بھی پڑھیں : عراق سے اتحادی افواج کے انخلا کا عمل تیزی سے جاری ہے، ترجمان وزیراعظم
انھوں نے ایکس پر اپنی اس پوسٹ میں لکھا ہے کہ ” امریکی حکام یہ ظاہر کرنے کے لئے کہ ایران کے خلاف اتحاد بن رہا ہے، بحرینی حکومت سے بات کرتے ہیں جس کے ایران کے ساتھ اقتصادی روابط نہیں ہیں۔
اسماعیل بقائی نے مزید لکھا ہے کہ ” امریکی حکام اسی کے ساتھ ایران کے ساتھ کھلاڑیوں اور یونیورسٹیوں کے طلبا واساتذہ کے تبادلے کا سلسلہ بند کرنے کا اعلان کرتے ہیں جبکہ دونوں ملکوں کے درمیان طویل برسوں سے اس طرح کا کوئی سلسلہ سرے سے ہے ہی نہیں۔”
ایرانی وزارت خارجہ کے ترجمان نے مزید لکھا ہے کہ ” اس طرح امریکا وہ پابندی دوبارہ لگارہا ہے جو پہلے سے ہی موجود ہے اور خلا میں ایران کے خلاف اتحاد بنارہا ہے۔
The post امریکا کی ایران مخالف پالیسی کی سطح گرکر تلخ طنز تک پہنچ گئی ہے، اسماعیل بقائی appeared first on شیعہ نیوز پاکستان.
