شیعہ نیوز: حزب اللہ لبنان کے سربراہ شیخ نعیم قاسم نے کہا ہے کہ امریکہ اور غاصب صیہونی حکومت کے مقابلے میں ایران کامیاب ہوچکا ہے۔
رپورٹ کے مطابق حزب اللہ کے سربراہ شیخ نعیم قاسم نے اربعین حسینی کی مناسبت سے اپنے خطاب میں کہا ہے کہ امریکہ اور غاصب صیہونی حکومت کو اس علاقے میں اپنے منحوس منصوبوں میں حائل رکاوٹیں ہٹانے اور اپنے اہداف حاصل کرنے میں ناکامی کا سامنا کرنا پڑا ہے۔
انھوں نے کہا کہ ہم لبنان، غزہ ، ایران، عراق اور یمن میں امریکہ اور اسرائیلی حکومت کے حملوں کا سامنا کررہے ہیں جن کا مقصد مقاومت کو ختم کرنا اور علاقے پر استعماری قبضہ اور تسلط جمانا ہے۔
یہ بھی پڑھیں : تیل کی ترسیل کے میدان میں دنیا کو سب سے بڑے جھٹکے کا سامنا ہے، آرامکو کے سربراہ
حزب اللہ کے سربراہ نے کہا کہ لبنان ستمبر 2024 سے امریکہ اور صیہونی حکومت کے وحشیانہ حملوں کی زد پر ہے لیکن ہم نے ان کا مقابلہ کیا اور انہیں ان کے اہداف کے حصول میں ناکام بنادیا۔
شیخ نعیم قاسم نے کہا کہ انھوں نے تدریجی طور پر ہمیں ختم کرنے کی کوشش کی اور اس کوشش میں اپنے سبھی شیطانی حربوں اور وسائل سے کام لیا لیکن کامیاب نہ ہوسکے۔
انھوں نے کہا کہ جس چیز نے لبنان پر وسیع وحشیانہ حملے روکے وہ ایران امریکہ مفاہمتی یاد داشت تھی۔ ایران نے لبنان کو اس مفاہمتی یاد داشت کی پہلی ہی شق میں رکھا اور زور دیا کہ لبنان پر حملے بند ہوں اور اسرائیل یہاں سے پیچھے ہٹے۔
حزب اللہ کے سربراہ شیخ نعیم قاسم نے کہا کہ صیہونی حکومت سے حکومت لبنان کے براہ راست مذاکرات کا نتیجہ لبنان کے لئے ننگ و عار کے سوا کچھ نہ نکلا اور اسرائیلی حکومت نے سیاسی فوائد حاصل کئے لیکن حزب اللہ کے ہوتے ہوئے وہ میدان جنگ میں کوئی کامیابی حاصل نہیں کرسکتی۔
انھوں نے کہا کہ لبنانی حکام لبنان کے لئے کچھ بھی حاصل نہیں کرسکتے اور امریکہ اور اسرائیل کے اہداف بھی پورے نہیں کرپائيں گے۔
The post امریکہ اور صیہونی حکومت کے مقابلے میں ایران کامیاب ہوچکا ہے، شیخ نعیم قاسم appeared first on شیعہ نیوز پاکستان.
