شیعہ نیوز: سوشل میڈیا پلیٹ فارم ایکس پر ایک پیغام میں ایران کی پارلیمنٹ کے اسپیکر نے کہا ہے کہ امریکی کمانڈرز کی غلطیوں کو درست کرنے کے لیے عام فوجیوں کو میدان میں دھکیلا جا رہا ہے اور انہیں ایسی جنگ میں بھیجا جا رہا ہے جو دراصل اسرائیل کے مفاد کے لیے لڑی جا رہی ہے۔
رپورٹ کے مطابق ایران کی پارلیمنٹ کے اسپیکر محمد باقر قالیباف نے کہا ہے کہ امریکہ اسرائیل کے لیے اپنے فوجیوں کو خطرے میں ڈال رہا ہے۔
سوشل میڈیا پلیٹ فارم ایکس پر ایک پیغام میں انہوں نے لکھا کہ موجودہ حالات میں جن اہداف کو نشانہ بنایا جا رہا ہے ان میں ریڈار سسٹم، دفاعی بیٹریاں، ایندھن بردار ٹینکر، فوجی اڈے اور ڈرون شامل ہیں۔
یہ بھی پڑھیں : ایران اور حزب اللہ کا اسرائیل پر مشترکہ میزائل حملہ
انہوں نے طنزیہ انداز میں سوال کیا کہ اس صورتحال پر امریکی ٹی وی جنرل ہیگستھ کی کیا رائے ہے۔
قالیباف نے کہا کہ بظاہر موجودہ حکمت عملی یہ ہے کہ فوجیوں کو خطرناک محاذ پر بھیج کر گویا انہیں ’’چکی میں ڈال دیا جائے‘‘۔
ان کے مطابق امریکی کمانڈرز کی غلطیوں کو درست کرنے کے لیے عام فوجیوں کو میدان میں دھکیلا جا رہا ہے اور انہیں ایسی جنگ میں بھیجا جا رہا ہے جو دراصل اسرائیل کے مفاد کے لیے لڑی جا رہی ہے۔
The post امریکہ اپنے فوجیوں کو اسرائیل کے لیے قربانی کا ایندھن بنا رہا ہے، باقر قالیباف appeared first on شیعہ نیوز پاکستان.
