شیعہ نیوز: وال اسٹریٹ جرنل کے مطابق امریکہ عراق میں اپنی باضابطہ فوجی کارروائیاں ختم کرنے کی تیاری کر رہا ہے، تاہم انٹیلی جنس اور نگرانی کی کچھ کاروائیاں برقرار رکھی جائیں گی۔
رپورٹ کے مطابق وال اسٹریٹ جرنل نے امریکی حکام کے حوالے سے رپورٹ دی ہے کہ امریکہ عراق میں اپنی باضابطہ فوجی کارروائیاں ختم کرنے کے قریب پہنچ گیا ہے۔
امریکی وزارت دفاع کے ایک عہدیدار کے مطابق، فوجی مشن کے باضابطہ خاتمے کے باوجود واشنگٹن عراق میں انٹیلی جنس اور نگرانی کی بعض کاروائیاں برقرار رکھے گا۔ یہ کاروائیاں عراق کے اندر بھی استعمال کی جاسکیں گی۔
یہ بھی پڑھیں : تین ا اور سعودیہ، یعنی انڈیا، اسرائیل، امارات اور سعودی عرب
امریکی حکام نے بتایا کہ امریکی میرینز کی ایک تعداد عراق میں موجود رہے گی تاکہ امریکی سفارتی مشنز اور مراکز کی حفاظت کی جا سکے۔
وال اسٹریٹ جرنل نے مزید رپورٹ کیا کہ اربیل کے اطراف میں تعینات امریکہ کا ایک پیٹریاٹ میزائل دفاعی نظام عراق سے واپس نکال لیا گیا ہے۔ عراق میں موجود امریکہ کے دیگر فضائی دفاعی نظام بھی زیادہ تر امریکی سفارتی مراکز اور مشنز کے تحفظ پر مرکوز رہیں گے۔
عراق میں امریکی فوجی مشن کا خاتمہ بغداد اور واشنگٹن کے درمیان طے پانے والے معاہدے کے تحت کیا جا رہا ہے۔ اعلان کردہ منصوبے کے مطابق عراق میں امریکہ کی قیادت میں قائم بین الاقوامی اتحاد کا مشن ستمبر 2026 کے اختتام تک ختم ہوجائے گا۔
The post امریکہ عراق میں اپنا فوجی مشن ختم کرنے کے قریب appeared first on شیعہ نیوز پاکستان.
