شیعہ نیوز: مشہور قدامت پسند امریکی صحافی ٹکرکارلسن نے امریکہ کے عوامی انقلاب کے خطرے سے دوچار ہونے کی خبر دی ہے۔
– امریکہ کے مشہور قدامت پسند سیاسی مبصر اور صحافی ٹکر کارلسن (Tucker Carlson) نے اپنے ایک تازہ انٹرویو میں کہا ہے کہ ہمارے لیڈران، ہماری توہین کرتے ہیں، ہمیں بے اہمیت سمجھتے ہیں، ہمیں استعمال کرتے ہیں، ہم سے جھوٹ بولتے ہیں اور واقعی ہمیں کوئی اہمیت نہیں دیتے۔
یہ بھی پڑھیں : ایران اور امریکہ کے درمیان جنگ میں بالآخر کامیاب ہوگا، امریکی پروفیسر جان مرشائمر
انھوں نے کہا کہ امریکہ میں امید زندگی کم ہورہی ہے، لوگ کم عمری میں مررہے ہیں، نچلا طبقہ نابود ہورہا ہے لیکن ان کے لئے کوئی بھی نہیں بولتا۔ اگر یہ روش جاری رہی تو انقلاب آئے گا۔
امریکہ کے معروف قدامت پسند تجزیہ نگار اور صحافی ٹکر کارلسن نے کہا کہ میں تشدد کا مخالف ہوں، لیکن اگرعوام کے ذہن میں یہ بٹھایا جائے کہ ان کی رائے اہمیت نہیں رکھتی اورتشدد کا سہارا لئے بغیر ان کی بات نہیں سنی جائے گی تو وقت گزرنے کے ساتھ وہ تشدد کا راستہ اپنائيں گے۔
یاد رہے کہ ٹکر کارلسن امریکی صدر ٹرمپ کے اتحادی تھے اور لیکن ایران کے خلاف امریکہ اور اسرائیل کی جنگ شروع ہونے کے بعد انھوں نے وائٹ ہاؤس پر سخت تنقید شروع کردی ہے۔
The post امریکہ عوامی انقلاب کے خطرے سے دوچار ہے، ٹکر کارلسن appeared first on شیعہ نیوز پاکستان.
