شیعہ نیوز: امریکی سینٹرل کمانڈ کی جانب سے مشرق وسطیٰ میں خودکش ڈرون یونٹ کی تعیناتی کے اعلان کے بعد وال اسٹریٹ جرنل نے انکشاف کیا کہ اس یونٹ میں شامل ڈرون طیارے دراصل ایرانی ڈرون کی نقل ہیں۔
رپورٹ کے مطابق، امریکی سینٹرل کمانڈ (CENTCOM) نے (بدھ) مشرق وسطیٰ میں بمبار ڈرون طیاروں کے پہلے اسکواڈرن پر مشتمل ایک نئی ٹاسک فورس کی تشکیل کا اعلان کیا۔
یہ بھی پڑھیں : امریکہ ہر جگہ اپنی مرضی مسلط کرنا چاہتا ہے، ایرانی قوم متحد اور ڈٹ کر کھڑی ہے، قالیباف
امریکی وزیر جنگ پیٹ ہیگسیٹ کی جانب سے سستی ڈرون ٹیکنالوجی کے حصول اور استعمال کو تیز کرنے کا حکم جاری کرنے کے چار ماہ بعد، CENTCOM نے ٹاسک فورس اسکارپین اسٹرائیک، یا TFSS کا آغاز کیا۔ اس ٹاسک فورس کو فوری طور پر کم لاگت اور موثر ڈرون صلاحیتیں فراہم کرنے کے لیے ڈیزائن کیا گیا ہے۔
وال سٹریٹ جرنل نے انکشاف کیا ہے کہ پینٹاگون مشرق وسطیٰ میں ایک نیا خودکش ڈرون تعینات کر رہا ہے، جو کہ بڑے پیمانے پر استعمال ہونے والے ایرانی ورژن کی نقل ہے۔
اخبار کے مطابق یہ اقدام ایران کے گرائے گئے امریکی ڈرونز، جیسے کہ RQ-170 سینٹینل کو ری ڈیزان کرنے اور انہیں اپنے ورژن بنانے کے لیے ریورس انجینئرنگ کی عکاسی کرتا ہے۔
اس سال مئی میں، امریکی صدر ڈونلڈ ٹرمپ نے ایران کے “سستے” اور “مہلک” ڈرونز کی تعریف کرتے ہوئے کہا تھا کہ انہوں نے ایک امریکی کمپنی سے بالکل ایرانی ڈرون طیاروں جیسا ایک اسکواڈرن تیار کرنے کا حکم دیا تھا۔
The post امریکہ نے ایرانی ڈرون کی نقل تیار کرنا شروع کردیں: امریکی اخبار کی رپورٹ appeared first on شیعہ نیوز پاکستان.
