شیعہ نیوز: چیف آف اسٹاف میجر جنرل سید عبدالرحیم موسوی نے امریکہ کو خبردار کیا ہے کہ علاقائی جنگ کی آگ امریکہ اور اس کے ساتھیوں کو جلا دے گی۔
چيف آف اسٹاف موسوی نے گزشتہ رات مسلح افواج کے ایک یونٹ کا معائنہ کرتے ہوئے کہا کہ ایرانی عوام امریکہ کی استعماری اور جارح رویے کے سامنے ہمیشہ ڈٹے رہے ہیں اور ہمیشہ واشنگٹن کو شکست سے ہمکنار کیا ہے من جملہ گزشتہ پیچیدہ، ہائبرڈ اور دہشت گردانہ جنگ میں جس میں ملت ایران نے دشمنوں کے تمام اندازوں کو درہم برہم کردیا۔
انہوں نے کہ گزشتہ 47 سال سے ایرانی عوام نے ثابت کردیا ہے کہ نہ صرف اس ملک کو نگلنا ناممکن ہے۔
ایران کی مسلح افواج کے سربراہ نے کہا کہ جن لوگوں نے فریب کاری کا دھول بجا کر ایران کو کمزور دکھانے کی کوشش اب یا تو پسپائی پر مجبور ہوں گے یا ایران کی علاقائی طاقت سے طمانچہ کھانے پر مجبور ہوں گے۔
یہ بھی پڑھیں : غزہ کی حکمرانی فلسطینیوں کا حق ہے، اماراتی وزیر ریم الہاشمی
میجر جنرل موسوی نے کہا کہ یہ لوگ بظار بھول چکے ہیں کہ سن 1980 میں اسی ایرانی قوم نے سخت ترین حالات کے باوجود عالمی کفر کا مقابلہ کرتے ہوئے ان کا سر دیوار سے ٹکرایا اور 12 روزہ مقدس دفاع مین امریکہ اور صیہونی حکومت کے 20 سالہ منصوبے کو شکست سے ہمکنار کیا۔
انہوں نے کہا کہ یہ ایرانی عوام تھے جنہوں نے گزشتہ ہفتوں کے دوران ہونے والی بغاوت کی دشمن کی سازش پر پانی پھیر دیا۔
چیف آف اسٹاف موسوی نے کہا کہ اس قوم کے دشمن بالخصوص امریکہ جان لے کہ ایران کی مسلح افواج دشمنوں کا مقابلہ کرنے کے لیے اس وقت جتنی تیاری رکھتی ہے اس کی مثال نہیں ملتی۔
میجر جنرل سید عبدالرحیم موسوی نے زور دیکر کہا کہ ہم [12 روزہ مقدس دفاع] کے 13ویں دن [جب مظاہروں کے نام پر بغاوت کی کوشش کی گئی] کا بدلہ لینے کے لیے مکمل طور پر تیار ہیں اور [دشمنوں کی] چھوٹی سی بھی غلطی ہمارا ہاتھ جوابی کارروائي کے لیے کھول دے گی۔
انہوں نے انتباہ دیا کہ نئی جنگ مسلط کرنے کی صورت میں دنیا طاقتور ایران کے دوسرے چہرے کا مشاہدہ کرے گی اور اس وقت کوئی بھی امریکی محفوظ نہیں رہے گا اور علاقے میں لگنے والی آگ امریکہ اور اس کے ساتھیوں کو جلا کر راکھ کردے گا۔
چیف آف اسٹاف میجر جنرل موسوی نے خبردار کیا کہ اگر کوئی جنگ شروع ہوئي تو استقامتی محاذ کے فرزند، ہمارے علاقے میں غیروں کے قدموں کے نشان تک کو آگ سے مٹا دیں گے۔
میجر جنرل موسوی نے زور دیکر کہا کہ 12 روزہ مقدس دفاع اور امریکی صیہونی مکارانہ اقدامات کے بعد، ہم نے ملک کی دفاعی ڈاکٹرائن پر نظرثانی کرتے ہوئے اپنی حکمت عملی کو فوری، برق رفتار، وسیع، ہائبرڈ اور تباہ کن حملے کی بنیاد پر تیار کرلیا ہے جس کی بنا پر ہمارے تیزرفتار اور قطعی جوابی کارروائی امریکہ کے تصور سے کہیں بالاتر ہوگی۔
انہوں نے اعلان کیا کہ ایرانی عوام اور مسلح افواج جیت اور کامیابی کے علاوہ کسی چیز کے بارے میں نہیں سوچ رہے ہیں اور سنہری بچھڑے کے چلّانے کی آواز سے خوفزدہ ہوئے بغیر ڈٹ کر مقابلہ کرنے اور انتقامی طمانچہ مارنے کے لیے مکمل طور پر تیار ہیں۔
The post امریکہ کا مقابلہ کرنے اور انہیں انتقامی طمانچہ لگانے کے لیے مکمل طور پر تیار ہیں، جنرل عبدالرحیم موسوی appeared first on شیعہ نیوز پاکستان.
