شیعہ نیوز: امریکی وزارت خزانہ نے کہا ہے کہ ڈونلڈ ٹرمپ نے ایران پر “حد درجہ” دباؤ ڈالنے کی پالیسی کو جاری رکھتے ہوئے، 32 افراد، اداروں اور کمپنیوں کو پابندی کا نشانہ بنایا ہے۔
رپورٹ کے مطابق امریکی وزارت خزانہ نے دعویٰ کیا ہے کہ ایران، متحدہ عرب امارات، ترکی، چین، ہانگ کانگ، ہندوستان، جرمنی اور یوکرین میں موجود افراد اور کمپنیوں کو ایران کے بیلسٹک اور ڈرون پروگرام کی مدد کرنے کے لیے پابندی کا نشانہ بنایا گیا ہے۔
یہ بھی پڑھیں : 12 روزہ جنگ کے بعد ایران کے یورینیم کے ذخیرے کے بارے میں کوئی علم نہیں، آئی اے ای اے
امریکہ نائب وزیر خزانہ جان کے ہرلی نے ایران کے خلاف الزامات دوہراتے ہوئے دعوی کیا ہے کہ تہران، منی لانڈرنگ کرکے ان کے بقول ایٹمی پروگرام اور ہتھیاروں کے منصوبے کو آگے بڑھانا چاہتا ہے۔
انہوں نے دعویٰ کیا کہ ایران پر حد درجہ دباؤ ڈال کر امریکی صدر تہران کو روکنا چاہتے ہیں۔
یہ دعوے ایسی حالت میں کیے جا رہے ہیں کہ آئل ٹینکر ٹریکنگ ویب سائٹ نے اعلان کیا ہے کہ ایران کے تیل بردار جہازوں کے ذریعے خام تیل کی برآمدات میں کئی گنا اضافہ ہوا ہے۔
The post امریکہ کی ایران کے میزائل منصوبے کے بہانے 32 افراد اور کمپنیوں پر پابندیاں appeared first on شیعہ نیوز پاکستان.
