امریکہ کی جانب سے عالمی برادری کو شہید آیت اللہ سید علی خامنہ ایؒ کی آخری رسومات میں شرکت سے روکنے کی ناکام کوشش کا انکشاف

شیعہ نیوز: شہید آیت اللہ خامنہ ای ؒ کے جنازے میں شرکت کسی صورت قبول نہیں، امریکی وزیر خارجہ مارکو روبیو کی دھمکی، دوست ممالک نے جوتے کی نوک پر رکھتے ہوئے تہران کا رخ کیا۔

تفصیلات کے مطابق امریکی وزیر خارجہ ماکوروبیو کے متعلق اہم انکشاف سامنے آیا ہے کہ انہوں نے دنیا بھرمیں موجود امریکی سفارتخانوں کو پیغامات بھیجے کہ وہ ہم خیال ممالک کو ہر صورت ایرانی سپریم لیڈر شہید آیت اللہ خامنہ ای کی آخری رسومات میں شرکت سے روکیں۔

ایک سینئر آفیسر کے مطابق گزشتہ 5 دنوں کے دوران امریکہ نے شہید سپریم لیڈر کو خراجِ عقیدت پیش کرنے کی تقریب میں ممالک کی شرکت روکنے کے لیے ایک وسیع مہم چلائی تھی۔مارکو روبیو نے ذاتی طور پر اس معاملے میں کم از کم 5 عرب ممالک کے اپنے ہم منصبوں سے بات چیت کی۔

یہ بھی پڑھیں : تہران، علامہ سید ساجد نقوی ، علامہ راجہ ناصرعباس اور علامہ سید جواد نقوی کی خصوصی ملاقات توجہ کا مرکز

افریقی ممالک میں امریکی سفیروں نے دھمکی دی کہ اگر وہ اس تقریب میں شریک ہوئے تو ان ممالک کے لیے امریکی ترقیاتی امداد بند کی جا سکتی ہے۔

اس پوری منظم مہم کے باوجود امریکہ اور ماکوروبیو اپنے دوست خصوصاعرب اتحادیوں کو ایران جانے سے روکنے میں مکمل ناکام رہے اور سعودی عرب، قطر، عمان،عراق،بحرین، پاکستان ، بھارت اور دیگر ممالک سے سرکاری وفود آیت اللہ خامنہ ای کی آخری رسومات میں شریک ہوئے۔

The post امریکہ کی جانب سے عالمی برادری کو شہید آیت اللہ سید علی خامنہ ایؒ کی آخری رسومات میں شرکت سے روکنے کی ناکام کوشش کا انکشاف appeared first on شیعہ نیوز پاکستان.

​