شیعہ نیوز: امریکہ کی جانب سے اسلام آباد مفاہمتی یاد داشت کی خلاف ورزی پر اسلامی جمہوریہ ایران نے اقوام متحدہ اور سلامتی کونسل کو خط لکھا ہے
اقوام متحدہ میں اسلامی جمہوریہ ایران کے سفیر نے اقوام متحدہ کے سیکریٹری جنرل اور سلامتی کونسل کے چیئرمین کے نام مکتوب میں امریکہ کی جانب سے اسلام آباد مفاہمتی یاد داشت کی خلاف ورزیوں کی باضابطہ شکایت کی ہے۔
اقوام متحدہ میں ایران کے سفیر امیر سعید ایروانی نے امریکہ کی جانب سے اسلام آباد مفاہمتی یاد داشت کی خلاف ورزی اورایران کے خلاف جارحیت کے بارے میں اقوام متحدہ کے سیکریٹری جنرل اور سلامتی کونسل کے چیئرمین کے نام اس مکتوب میں لکھا ہے کہ امریکہ نے مفاہمتی یاد داشت پر دستخط کے بعد، شروع سے ہی نہ صرف یہ کہ اپنے وعدوں پر عمل نہیں کیا ہے، بلکہ مستقل اور منظم طور پراس کی بنیادوں کو کمزور کیا ہے۔
یہ بھی پڑھیں : امریکی صدر کو ایران کے وزیر خارجہ کا جواب : آبنائے ہرمز میں ٹیکس لینے میں ہم زیادہ انصاف سے کام لیں گے
اقوام متحدہ میں ایران کے مستقل مندوب اور سفیر نے اپنے اس مکتوب میں امریکا کی جانب سے اسلام آباد مفاہمتی یاد داشت کی خلاف ورزیوں کی تاریخ وار رپورٹ پیش کی ہے اور لکھا ہے کہ امریکہ کی جانب سے ہر خلاف ورزی کی رپورٹ ثالثین کو باضابطہ ارسال اور ان سے درخواست کی گئی ہے کہ امریکی خلاف ورزیاں روکنے اور ان کی تکرار نہ ہونے کی ٹھوس ضمانت حاصل کرنے کے لئے فوری طور پر ضروری اقدامات انجام دیئے جائيں، لیکن امریکہ نے نہ صرف یہ کہ مفاہمتی یاد داشت کے تحت اپنے وعدوں پر عمل نہیں کیا بلکہ اپنے غیر قانونی اقدامات بڑھا دیئے ہیں۔
The post امریکی خلاف ورزیوں پر، سلامتی کونسل کے نام ایران کا مکتوب appeared first on شیعہ نیوز پاکستان.
