شیعہ نیوز: امریکی صدر ٹرمپ نے سابق صدر بارک اوباما کے دور میں کیے گئے ایک اہم سائنسی فیصلے کو منسوخ کر دیا جس سے پاکستان اور دوسرے ممالک کی معیشت اور خوراک کے نظام پر مزید دباؤ بڑھے گا۔
غیرملکی میڈیا کے مطابق 2009ء کے اُس اہم ماحولیاتی فیصلے میں کہا گیا تھا کہ گرین ہاؤس گیسیں عوامی صحت کے لیے خطرہ ہیں اور یہی فیصلہ امریکہ میں اخراج کم کرنے کے وفاقی قوانین، خاص طور پر گاڑیوں سے متعلق ضوابط کی قانونی بنیاد بنا۔
یہ بھی پڑھیں : غزہ میں آٹھ ہزار شہداء کے جسدِ خاکی ملبے تلے اور 3 ہزار افراد لاپتہ ہیں، محمود بصل
امریکی وائٹ ہاؤس نے صدر ٹرمپ کے اس اقدام کو امریکی تاریخ کی سب سے بڑی ڈی ریگولیشن قرار دیتے ہوئے کہا ہے کہ اس سے گاڑیاں سستی ہوں گی اور آٹو صنعت کے لیے فی گاڑی تقریباً 2400 ڈالرز تک لاگت کم ہو جائے گی۔
ماحولیاتی تنظیموں نے اس فیصلے کو موسمیاتی تبدیلی کے خلاف اقدامات پر اب تک کا سب سے بڑا حملہ قرار دیتے ہوئے عدالتوں سے رجوع کرنے کا اعلان کیا ہے۔
ماہرین کے مطابق اگر عالمی سطح پر گرین ہاؤس گیسز اخراج میں کمی کے اقدامات کمزور پڑتے ہیں تو اس کے اثرات پاکستان جیسے ممالک پر زیادہ پڑیں گے جو پہلے ہی موسمیاتی تبدیلی کے فرنٹ لائن پر ہیں، بڑھتا ہوا درجۂ حرارت، شدید سیلاب، خشک سالی اور گلیشیئر پگھلنے جیسے خطرات پاکستان کی معیشت اور خوراک کے نظام پر مزید دباؤ ڈالیں گے۔
The post امریکی صدر ٹرمپ نے سابق صدر اوباما کے اہم فیصلے کو منسوخ کر دیا appeared first on شیعہ نیوز پاکستان.
