شیعہ نیوز: ایران کے وزیر خزانہ نے اعلان کیا ہے کہ حکومت امریکی پابندیوں کے مقابلے کے لئے تیار ہے۔
رپورٹ کے مطابق ایران کے وزیرخزانہ سید علی مدنی زادہ نے پیر کی رات ایک ٹی وی پروگرام میں بتایا کہ حکومت نے بہت پہلے ہی امریکی پابندیوں کو ناکام بنانے کی منصوبہ بندی کرلی تھی اور نئی پابندیوں کے مقابلے کے لئے پوری طرح تیار ہے۔
ایران کے وزیر خزانہ نے کہا کہ ایرانی قوم کے دشمنوں نے مختلف ادوارمیں ایرانی حکام اورعوام کا عزم واردہ آزمانے کی بہت زیادہ کوششیں کی ہیں۔
یہ بھی پڑھیں : غزہ کی پٹی میں میں قتل عام، وحشیانہ صہیونی بمباری میں آٹھ فلسطینی شہید
انھوں نے بتایا کہ اقتصادی امورمیں دو سالہ پروگرام تیارکیا گیا ہے سبھی پہلوؤں کو بہت دقت کے ساتھ مد نظررکھا گیا ہے اورموجودہ حالات سے نمٹنے کی ہماری تیاری مکمل ہے۔
سیدعلی مدنی زادہ نے بحری محاصرے کو فوجی جارحیت قراردیا اور کہا کہ یہ محاصرہ بھی ایرانی قوم کے خلاف پابندی تھی بنابریں یہ محاصرہ اور پابندیاں ایران کی اقتصادی شریانیں نہیں کاٹ سکتیں۔
انھوں نے کہا کہ وہ کافی عرصے سے ایران کی اقتصادی شریانیں کاٹنے کی کوشش کررہے ہیں لیکن ناکام رہے ہیں۔
ایران کے وزیر خزانہ نے، امریکی وزیرخزانہ کے اس اعلان کے جواب میں کہ ٹرمپ نے دوسرے ملکوں کے سربراہوں سے نئی ایران مخالف پابندیوں میں ساتھ دینے کے بارے میں بات کی ہے، کہا ہے کہ اقتصادی شریانوں کا موضوع ایسا نہیں ہے کہ ایک دو گفتگو سے کوئی نتیجہ حاصل کیا جاسکے۔
مدنی زادہ نے کہا کہ امریکیوں نے اسی مدت میں ہمارے لئے سمندری راستے محدود کرنے کی بہت کوشش کی ہے جس میں کامیاب نہیں ہوسکے کیونکہ ہم نے متبادل راستے نکال لئے۔
The post امریکی پابندیوں کو ناکام بنانے کے اقدامات کی تیاری کرلی گئی ہے، ایرانی وزیرخزانہ کا اعلان appeared first on شیعہ نیوز پاکستان.
