شیعہ نیوز: فرانسیسی آرمی چیف نے امریکہ کو ناقابل پیش گوئی اتحادی قرار دیتے ہوئے کہا ہے کہ واشنگٹن کے یکطرفہ فیصلے فرانس کے مفادات اور سلامتی کے لیے خطرہ بن رہے ہیں۔
رپورٹ کے مطابق فرانسیسی اخبار لو فیگارو نے لکھا ہے کہ فرانسیسی چیف آف آرمی اسٹاف جنرل فابین ماندون نے ایک سکیورٹی و دفاعی فورم سے خطاب کرتے ہوئے امریکہ کی پالیسیوں پر شدید تنقید کی۔
انہوں نے کہا کہ امریکہ اب ایک ایسا اتحادی بن چکا ہے جو تیزی سے ناقابل پیش گوئی ہوتا جا رہا ہے اور بعض اوقات فوجی کارروائی شروع کرنے سے قبل اپنے اتحادیوں کو آگاہ کرنا بھی ضروری نہیں سمجھتا۔
یہ بھی پڑھیں : امریکہ و اسرائیل کی جنگ فقط خطے تک محدود نہیں، عالمی تجارت اور منڈیاں بھی متاثر، سرگئی لاوروف
جنرل ماندون نے کہا کہ مشرق وسطیٰ میں امریکی مداخلت سے متعلق فیصلے بھی بغیر اطلاع کیے گئے، جس کے اثرات فرانس کی سلامتی اور مفادات پر پڑ رہے ہیں۔
انہوں نے مزید کہا کہ موجودہ صورت حال میں فرانسیسی مسلح افواج کی اولین ترجیح یہ رہی ہے کہ خطے سے گزرنے والے اپنے شہریوں کے تحفظ کو یقینی بنایا جائے۔
اس حوالے سے فرانسیسی وزارت مسلح افواج کے ایک نمائندے نے بھی کہا کہ خطے میں فرانس کے مفادات کو خطرات لاحق ہو چکے ہیں۔
The post امریکی یکطرفہ فیصلوں نے فرانس کو خطرے میں ڈال دیا ہے، فرانسیسی آرمی چیف appeared first on شیعہ نیوز پاکستان.
